ژ ئه‌گه‌رێ سۆتنێ گه‌نجه‌كی گیانێ خوه ژ ده‌ست دا
ئامێدیێ، مه‌حمود نهێلی:
ژ ئه‌گه‌رێ خرابیا ڕه‌وشا خوه یا ئابووری، گه‌نجه‌كی ل شێلادزێ ئاگر به‌ردا خوه و ژ به‌ر كو ب رێژه‌كا زۆر له‌شێ وێ هاتبوو سۆتن بوویه ئه‌گه‌ر گیانێ خوه ژ ده‌ست بده‌ت.
ژێده‌ره‌كی ل نه‌خۆشخانا ئامێدیێ بۆ رۆژناما ئه‌ڤرۆ دیار كر، دوهی 27/11/2021 ب شه‌ڤ گه‌نجه‌ك بناڤێ (حه‌سه‌ن حازم) گه‌هاندیه نه‌خۆشخانێ و ئاگر به‌ربوویێ، رێژه‌كا زۆر یا له‌شێ وی هاتبوو سۆتن و گۆت: “ژ به‌ر دژواریا برینا وی و زۆریا رێژا سۆتنێ بۆ نه‌خۆشخانا دهۆكێ هاته ره‌وانه‌كرن، لێ ل دهۆكێ گیانێ خوه ژ ده‌ست دا”.
ل گور ئاخڤتنا كه‌سوكارێن وی، ئه‌ڤی گه‌نجی ژ ئه‌گه‌رێ خرابیا ڕه‌وشا خوه یا ئابووری، ئاگر به‌ردایه خوه و بوویه ئه‌گه‌ر گیانێ خوه ژ ده‌ست بده‌ت.
دهێته زانین، وی گه‌نجی دۆرێن سه‌له‌كێ یه خێزان پێكئینایی و زارۆیه‌ك هه‌یه و كرێداره.
