ژ ئەڤرۆ و وێڤە ب شەڤێ ب تنێ پیاسان بکە
ئه‌ڤرۆ نيوز:
دا کو بەردەوام بی ل سەر ژیانێ پێدڤیە کار بکەی و بوەستیێی، ھەمان دەم پشکداریێ د چەندین چالاکیان دا بکەی د گەل مالباتێ و ھەڤالان، بێگۆمانە ژی د ژیانێ مرۆڤی تووشی گەلەک کێشە و گرفتاریان دبیت و ھندەک رۆژان ژی ھەست ب خۆشیێ دکەین و ھندەک رۆژان خەمگینین، ئەو ھەموو ژی ئەگەرن مرۆڤی تووشی فشارا دەروونی بیت.
ل گۆری ڤەکۆلینەکا زانستی یا پێگەھێ Buzzkito بەلاڤ کری، باشترین ھاریکار بۆ نەھێلانا فشارا دەروونی و دلرحەتیێ، برێڤەچوون و پیاسەنە بەلێ ب شەڤێ و ب تنێ.
ئەو ڤەکۆلین ژ ئالیێ ھژمارەکا نۆشداران ھاتە کرن و ئەنجامێن وێ ئاشکرا کر، پیاسێن ب تنێ ب شەڤێ دبیتە ئەگەر مەژیێ مرۆڤی تەنا بیت و ب رێژەیا 90% ھەست ب دلخۆشیێ بکەی، ھەمان دەم ژ ھزرێن نەرێنی دوور دکەڤیت.
