ژ ئەگەرێ شەڕی بەرهەمێ گیایێ بهارێ ل دەڤەرا ئامێدیێ كێم بوویە
ئامێدیێ، مەحمود نهێلی
شەرێ چەندین سالە ل دەڤەرا ئامێدیێ دناڤبەرا چەكدارێن پەكەكێ و لەشكەێ توركیا دا ژ چەندین لایان ڤە زیان گەهاندینە خەلكێ وێ دەڤەرێ و ژ وانا ژی بەرهەمێ گیایێ بهارێ و بازارێ وێ ل دەڤەرێ لاواز بوویە و ل سەر ڤێ یەكێ ژی وەلاتی و خودانكار دلگرانن.
جەلال ئیحسان ئێكە ژ فروشیارێن گیایێ بهارێ دیار دكەت كو ئەڤ سالە تا نوكە هیچ جورەكێ گیایێ بهارێ نەگەهشتیە بازارێن دەڤەرا وانا و ئەگەرێن ژی ڤەگەراند بۆ شەرێ پەكەكێ و توركیا و بۆردوومانكرنا دەڤەرا وان ژلایێ فرۆكەیێن توركییا ڤە و گۆت: ئەڤە چەندین سالە ئەو نەشینانە بچنە سەر گوندێن خوە و بەرهەمێ ئاقار و چیایێن خوە ل دەڤەرێن نێروە و رێكان و دوسكیان بینن، لێ ئەو شیان بچنە چیایێ زێبارێ و كورەژاری گیایێ بهارێ بیننە بازاری و بفرۆشن.
وەلاتیەكێ دی گۆت: بەری نوكە هەر چو نەبیت جار جار خەلك دشیا بچیتە ڤان چیایێن نێزیك، لێ نوكە ئەو ژی نەمایە و رۆژ بۆ رۆژێ بەرپێن خەلكی تەنگ تر لێ دهێن و بازارێ وان ژی گەلەك بێ رەوش بوویە ژ بەر نەمانا بەرهەمێن گیایێ بهارێ.
ناڤهاتی ئاشكرا ژی كر، نوكە كار ل سەر چێكرنا رێكا گەلیێ بالندا دهێتە كرن و هەكە ئەڤ رێكە تمام ببیت چێدبیت كارتێكرنەكا باش ل سەر خەلكێ ڤێ دەڤەرێ كەت ژلایێ ئابۆری ڤە و هەم وەلاتێ دێ شێن بچنە سەر گوندێن خوە و هەم ژی دێ شێن بەرهەمێن گل و گیایێ بهارێ ئیننە بازاری و ساخكەنەڤە و دێ رەوشەكا دی دەتە بازارێ دێرەلۆكێ و شێلادزێ.
