ژ ئەگەرێ گەرمێ 33 کەسان ل کەنەدا گیانێ خوە ژ دەستدا
ئەڤرۆ نیوز ، زنار تۆڤی:
هژمارەیا قوربانیێن پێلا گەرمێ ل کەنەدا د زێدە بوونێ دانە و هەتا نوکە 33 کەسان ژیانا خوە ژدەست دایە.
لدووڤ بەرپرسێن هەرێما کیوبک یا کەنەدی، هەتانوکە دژواریا پێلا گەرمێ ل رۆژهەلاتێ کەنەدا یا بەردەوامە و ژ ئەگەرێ ڤێ چەندێ 33 کەسان ژیانا خوە ژدەست دایە و هژمارەکا دی بۆ نەخوەشخانان هاتینە ڤەگوهاستن.
شارەزایەکێ سەقای یێ هەرێما کیوبک دەربارەی بلندبوونا پلەیێن گەرمێ ئاشکرا کریە، د ڤان سالێن بوری دا چو پێلێن گەرمێ ب ڤێ هێزێ ل کیوبک نەداینە و هەکە بەردەوام بیت، دێ هژمارەکا مەزنتر یا خەلکی بنە قوربانی، لەوما پێدڤیە ل دەمێن دژواریا گەرمێ، کەس ژ مالێن خوە دەرنەکەڤیت.