ژ باب و مامێ خوە فێری مۆزیكی بوویمە
بێوار حەمدی:
ئاوات عەلی، زارۆیەكێ چاردە سالی یە، خەلكێ ناحیا سەرسنكێ یە، ب گۆتنا وی دژیێ حەفت سالیێ دا ب هاریكاریا باب و مامێ خوە، خوە فێری ژەنینا عۆدێ كریە و نوكە عۆد و سازێ دژەنیت و هندەك جاران ژی سترانان دبێژیت.
ناڤهاتی بۆ رۆژنامەیا ئەڤرۆ گۆت: هەرچەندە ئەز عۆدێ و سازێ هەردوویان دەژەنم، لێ عۆد بۆ من بوویە هەڤالەكا نێزیك و گەلەك حەزژێ دكەم، بۆ زانین بابێ من ژی عۆدێ دژەنیت، هەروەسا مامێ من (شەعبان سلێمان) ئەو ژی هەلبەستڤان و مۆزیكژەنە، لەورا ب هاریكاریا وان هەردوویان فێربوویمە و من پشكداری د هژمارەكا ئاهەنگان دا كریە ل دەڤەرا ئامێدیێ، بۆ پاشەرۆژێ ژی هیڤیا من ئەوە ئەز ببمە هونەرمەندەكێ باش.
