ژ بلی گەلێ کوردستانێ کەسێ مافێ دەستنیشانکرنا گونجایترین دەم ژ بۆ رێفراندۆمێ نینە

ئەڤرۆ نیۆز،رێژین نهێلی:

مەسعود بارزانی، سەرۆکێ هەرێما کوردستانێ ئەڤرۆ ل سەلاحەدین پێشوازی ل بالیۆزا نەرویج ل عیراقێ، سیسیل برێی، و شاندەکا د گەل دا کر و ل سەر بابەتێن گرنگ یێن ئێمناهییێ و شەرێ دژی داعشێ و پەیوەندییێن ناڤبەرا ئۆسلۆیێ و هەولێرێ راوەستان و بریارا رێفراندۆما سەرخوەبوونا هەرێمێ ل 25 ئیلۆنا ئەڤ سالە گۆتوبێژ کر.

سەرۆک بارزانی د کۆمبوونا خوە دا راگەهاند: ڤەگەریان ژ بریارا رێفراندۆمێ نابیت و ناهێتە پاشخستن، ژبه‌ركو بتنێ گەلێ کوردستانێ مافێ دەستنیسانکرنا گونجایترین دەم ژ بۆ بریارا چارەنڤیسی یا رێفراندۆما سەرخوەبوونێ هەیە و نە خەلکێ بیانی،بالیۆزا نەرویج ژی، کو ب هەلکەفتا ب داویهاتنا ئەرکێن وێ ل عیراقێ سەرەدانا سەرۆک بارزانى كربوو، سوپاسیا حوکمەت و گەلێ کوردستانێ کر و پەسنا رێزگرتنا کوردان ل مێهڤان و وەلاتیێن بیانی کر و داخوازا پاشەرۆژەکا گەش ژ بۆ هەرێمێ کر.

کۆمێنتا تە