ژ به‌ر كۆچبه‌ران په‌یوه‌ندیێن دو وه‌لاتان ئالۆز بووینه
ئه‌ڤرۆ:
سه‌رۆك وه‌زیرێن بریتانیا راگه‌هاند كو فره‌نسا رێ بۆ وان كۆچبه‌ران خوه‌ش دكه‌ت یێن كو دخوازن ب رێیا فره‌نسا ده‌ربازی بریتانیا ببن و ئه‌و یه‌ك ژی ژ ئالیێ بریتانیا ڤه ناهێته قه‌بوولكرن و دڤێت فره‌نسا ب ئه‌ركێ خوه رابیت و سنۆرێن خوه یێن ده‌ریایی بپارێزیت دا كۆچبه‌ر ده‌ربازی بریتانیا نه‌بن، چونكو بریتانیا به‌رهه‌ڤ نینه كۆچبه‌ران وه‌ربگریت.
پشتی هه‌لوه‌ستێ توند یێ سه‌رۆك وه‌زیرێن بریتانیا ئیمانوێل ماكرۆن سه‌رۆكێ فره‌نسا ژی راگه‌هاند كو هه‌لوه‌ستێ توند یێ سه‌رۆك وه‌زیرێن بریتانیا خزمه‌تا قه‌یرانا كۆچبه‌ران ناكه‌ت، چونكو نها قه‌یرانا كۆچبه‌ران تنێ ل بریتانیا و فره‌نسا نینه، به‌لكو كۆچبه‌ر بووینه ئاریشه‌كا گه‌له‌ك مه‌زن بۆ هه‌موو جیهانێ و دڤێت د ئاستێ نێڤده‌وله‌تی دا كار بۆ چاره‌سه‌ركرنا قه‌یرانا كۆچبه‌ران بهێته كرن و هه‌لوه‌ستێ توند یێ سه‌رۆك وه‌زیرێن بریتانیا ژی دێ كارتێكرنا خوه یا خراب ل په‌یوه‌ندیێن هه‌ر دو وه‌لاتان كه‌ت.
هه‌ژی ئاماژه‌پێدانێ یه كو ده‌مه‌كه رۆژانه ب سه‌دان كۆچبه‌ر ب رێیا ده‌ریایێ ژ فره‌نسا ده‌ربازی بریتانیا دبن و به‌ری چه‌ند رۆژان ژی ٢٧ كۆچبه‌ر د ناڤ ئاڤێ دا خه‌ندقین و نها بابه‌تێ چووینا كۆچبه‌ران ژ فره‌نسا بۆ بریتانیا بوویه رۆژه‌ڤا ئورۆپا و بریتانیا ژی فره‌نسا ب هندێ تومه‌تبار دكه‌ت كو رێ بۆ كۆچبه‌ران خوه‌ش دكه‌ت دا ده‌ربازی بریتانیا ببن و ل ئالیێ دی فره‌نسا ژی تومه‌تێن بریتانیا ره‌ت دكه‌ت و دیار دكه‌ت كو بابه‌تێ كۆچبه‌ران بوویه ئاریشه‌كا مه‌زن بۆ هه‌موو ئورۆپا و دڤێت وه‌لاتێن ئورۆپی پێكڤه سنۆرێن خوه بپارێزن.
