ژ بۆ ئاگربەستێ بەرپرسێن حەماسێ دێ چنە مسرێ
بەرپرسەکێ حەماسێ کو نەخواستیە ناڤێ خوە ئاشکرا بکەت بۆ BBC دیار کریە، شاندێ مسرێ پشتی ژ ئسرائیلێ ڤەگەریاینە ل گەل حەماسێ ژی دانوستاندن کرینە و ناڤەرۆکا دانوستاندنان یا باشە، لێ ژ بۆ چاوانیا ئاگربەستێ و مەرجێن وان وەکو حەماس ئەو دێ چنە مسرێ و ل وێرێ ل گەل بەرپرسێن وی وەلاتی دانوستاندنان کەن.
ئەو یەک د دەمەکێ دایە بەری نها وەزیرێ دەرڤە یێ ئەمریکا دیار کربوو وان داخواز ژ مسرێ کرینە ب رۆلێ خوە رابیت دا شەڕێ نها د ناڤبەرا حەماس و ئسرائیلێ دا بهێتە راگرتن، چونکی ژ بەر شەڕی زیانێن گەلەک مەزن گەهشتینە خەلکێ سڤیل ل غەزە و دڤێت شەڕێ نها ب تەمامی بهێتە راگرتن و مسر دشێت حەماسێ رازی بکەت دا هندەک ژ مەرجێن ئسرائیلێ بۆ راگەهاندنا ئاگربەستێ قەبوول بکەت.
چاڤدێرێن سیاسی ژی دیار دکەن، ئەمریکا و مسر ل گەل هندەک ژ وەلاتێن دی یێن عەرەبی دشێن ئسرائیلێ و حەماسێ بۆ راگەهاندنا ئاگربەستێ رازی بکەن.
