ژ بەرتەنگیا ژیـانـا خۆ نـەتـرسە
سالح حەكیم
پتریا جاران د ژیانێ دا كاودانێن سەخت و بەرتەك ب سەر مرۆڤی دا دهێن و دەربازدبن، دچن لێ هندە جاران مرۆڤ هەست دكەت ئەو كاودان دوماهیا ژیانا مرۆڤیە، ئێدی هەر تشتەك ب داوی دهێت و چ چارەنینن بەلێ دێ بینی ژ نشكەكێ ڤە كاودانەكێ دلخۆشكەر هاتە د ژیانا مرۆڤی دا، هەمی ڕەنگێن ڕەش پڕی نەخۆشی دێ گوهۆریت ب ڕەنگێن جۆرە و جۆر و بەختەوەریێ دێ بەرەڤ ژیانەكا دی ڤە بەت بیتە ئارامیەكا دەروونێ ڕەنگە هەتا دوماهیا ژیانا مرۆڤی ئەو خوەشی بمینیت.
دا بابەتێ خوە ب ڤێ سەرپێهاتیێ بكەینە نموونە بۆ سەرهلدانا ئەڤرازی و نشیڤیێن ژیانێ بـاب و كۆڕ ل گوندی خۆ بەرهەڤ دكەن، بۆچوونا بـاژێری ب مەرەما فرۆتنا كەلوپەلێن خوە و كڕینا پێدڤیاتیێن رۆژانە ب رێكێ ڤه ئەو گیانەوەرێ تشتێن خوە لێ باركرین نەخوەش دبیت لسەر وان پـێدڤی بوو سـپێدێ زوی دەمژمێر هەشت بگەهنە بنەجهێ گەلەك گیرۆ بوون و نەشیان بگەهنە مەیدانكا كڕین و فرۆتنێ كوڕ گەلەك تۆرە بوو و گووتە بابێ خوە ئەڤە چ بسەرێ مە هات تشتێن مە هەمی پیچ بوون ئەم هوسا دێ گەلەك زەڕەرمەند بـین بابی بەرسڤا وی دا و گۆتێ هەر تشتەكی خێر یا تێدا و دبیت نەخوشیا ڤی دەواری باشیا مە تێدا بیت كۆڕ هەر بەردەوام بوو ل سەر ڤان گووتنان و بابی هەر ئەو ب ئاخفتنێن خوە یێن نەرم هاویش دكر پشتی رۆژەكێ زێدەتر ب رێكێ ڤە گیرۆ بووین گەهشتنە مەیدانكا كڕین و فرۆتنێ دبینن كو مەیدانك یا ڤالایە و شوینوارێن سـۆتنێ لسەر دیارن كەسەكی ل وێرێ دبـینن و پرسیار ژێ دكەن لڤێرێ چ قەومییە؟ ئەوان بەرسڤدا و گووت دوهی سپێدێ دەمژمێر هەشت مەیدانك ب تەمامی هاتیە سۆتـن و گـەلەك بكڕ و فرۆشیار و كاروانیا گیانێ خوە ژدەست دایە باب و كوڕ ل ئێكدو زڤرین و بابێ گۆتە كۆڕێ خوە ئەگەر دەوارێ مە نەخوش نەببا و ئەم دەمێ خوە گەهشتباین چێدبیت ئەم ژی دناڤ ڤێ سۆتنێ دا باین ژبەرهندێ هەر تشتەكی ب سەرێ تە بهێت ل سەر خوەبە و بێهن فرەهبە وێ گیرۆبوونێ مفا تێدابوو بڤێ ڕەنگی ئەگەر مە ژی ب هەمان هزر بەرێخوە دابا نەخوەشیێن خوەیێن ڕابووری و تەحلیاتێن ژیانێ نیاسیبان دا مرۆڤ هەردەم شەڕی بۆ ئایندەیەكێ باشتر كەت.
