ژ بەر سووریێ نها پەیوەندیێن تورکیا و رۆسیایێ ئالۆز بووینە
بەرپرسەکێ وەزارەتا دەرڤە یا رۆسیا دیار کر، تورکیا رۆلەک گەلەک خراب ل سووریێ گێرا و نها ژی مەترسیێن گەلەک مەزن ل سەر بەرژەوەندیێن رۆسیا ل سووریێ دروست بووینە، بێگومان ئەو یەک دێ کاریگەریا خوە ل سەر پێگەهێ رۆسیا ل رۆژهەلاتا ناڤین و جیهانێ هەبیت، نها تورکیا دڤێت ب رێیا دەستهەلاتا نوو یا سووریێ ئاریشێن مەزن بۆ رۆسیایێ دروست بکەت و ژ بەر ڤێ یەکێ ژی نها رۆسیا ژ هەلوەستێ تورکیا گەلەک توورە یە.
هەمان بەرپرسی ئەو یەک ژی دیار کریە، پشتی ژناڤچوونا رژێما بەشاری هەتا نها چەندین جاران هاکان فیدانێ وەزیرێ دەرڤە یێ تورکیا داخواز کریە کو پۆتین و ئەردۆغان ل دۆر سووریێ دانوستاندنان بکەن، لێ پوتین ژ بەر هەلوەستێ خراب یێ تورکیا ل دۆر سووریێ هەتا نها بەرهەڤ نینە ل گەل ئەردۆغانی دانوستاندنان بکەت و ژ بەر ڤێ یەکێ ژی بەرسڤا تورکیا نەدایە.
