ژ بەر لەهیان هەژمارەكا گۆڕان ژ بن ئەردی ل ئاكرێ دەركەفتینە
ئاكرێ، رەمەزان زەكەریا:
ل گوندێ گۆرانكا مەزن ل سنوورێ ناوچەداریا گردەسێن ژ ئەگەرێ بارانبارینێ و بلندبوونا ئاستێ ئاڤێ و چێبوونا لەهیێ هەژمارەكا گۆران ژ بن ئاخێ دەركەفتینە.
هیوا شەمال، رێڤەبەرێ شوونەواری و كەلەپۆری ل ئاكرێ بۆ ئەڤرۆ گۆت: “پشتی پێلا بارانبارینا رۆژێن بۆری چێبوونا لەهیێ و رامالینا ئاخێ ل گوندەكێ سنوورێ ئاكرێ گۆر ژ شیڤەكێ دەركەفتینە”.
ناڤبری گۆتژی: “ل گوندێ گۆرانكا مەزن ل سنوورێ ناوچەداریا گردەسێن ژ ئەگەرێ بارانبارینێ هەژمارەكا گۆران ژ بن ئاخێ دەركەفتینە، هەتا نوكە دیار نینە، ئەڤ گۆرە یێن چو سەردەمەكینە و یێن كێنە، ژ بەر رێژا زۆرا ئاڤێ ب دروستی تیمێن مە نەشیاینە ڤەكۆلینێ بۆ وان گۆران بكەن، لێ ڤەكۆلین بۆ وان گۆران دێ هێتە كرن بۆ وێ چەندێ دیار ببیت دیرۆكا ڤان گۆران بۆ كەنگی دزڤڕیتەڤە”.
