ژ بەر ناکۆکیان هەتا نها کۆمبوونا پەرلەمانی نەهاتیە کرن
ئەڤرۆ نیۆز:
بەیار دۆسکی ئەندامێ پەرلەمانێ عیراقێ دیار کر کو ئالیێن سوننی ل دژی هندێ نە کو فەیسل جەربا ببیتە وەزیرێ بەرگیریێ و هندەک ئالیێن دی ژی ل دژی هندێ بایکۆتا پەرلەمانی کرینە و بزاڤ ژی د بەردەوامن دا رێژا یاسایی یا پەرلەمانی تەمام ببیت لێ هەتا نها ئەو یەک نەهاتیە کرن و کۆمبوونا پەرلەمانی بۆ تەمامکرنا کابینا عادل عەبدولمەهدی سەرۆک وەزیرێن عیراقێ گیرو بوویە.
ناڤهاتی دیار کر ژی کو ئەو کەسێن بۆ پۆستێ وەزارەتێن مایی یێن عیراقێ هاتینە دەستنیشانکرن ب دلێ هندەک ئالیێ دی نینن و ژ بەر هندێ ژی زەحمەتە وەسا زوو پەرلەمانی ل دۆر ڤی بابەتی کۆم ببیت.