ژ بەر هەلبژارتنان ئەردۆگان گەفا شەری دکەت
ئەڤرۆ نیۆز:
هەڤسەرۆکێ گشتی یێ پارتیا دیموکرات یا گەلان سەزایی تەمەلی راگەهاند کو تورکیا بەر ب هەلبژارتنێن باژێرڤانیان ڤە دچیت و جارەکا دی ئەردۆگان گەفا شەری دکەت، چەند سالن دەمێ ئەم بەر ب هەلبژارتنان ڤە دچین ئەردۆگان هەمان سیناریۆیان دوبارە دکەت و گۆت: (مخابن شەر دێ دیسان بیتە ئەگەرێ مالوێرانی و دێ ئەنجامێ خوە یێ خراب بۆ کوردان و هەموو دەڤەرێ هەبیت و ئەم هێڤیدارین کو رێگری ل ڤێ کارەساتێ بهێتە گرتن).
هەڤسەرۆکێ هەدەپێ راگەهاند کو ب داگیرکرنا ئاخا کوردان تورکیا نەشێت پرسێن خوە چارە بکەت، هەتا پرسا کوردی ل تورکیا چارەسەر نەبیت دێ تورکیا تووشی هەمان ئاریشان بیت و رێیا راست ژی دانوستاندن و ئاشتیە.