ژ بەر وێ ھەڤژینا خوە بەردا و ھەر خیانەت ل کوڕکی کر
ئەڤرۆ نیوز:
پارێزەرەکێ دادگەھا ئاکرێ راگەھاند، کو کورەک و کچەکێ بو ماوێ نێزیکی حەفت سالان ئەڤیندارێن ئێک بوون، کورکی ئەڤ کچە خاست بەلێ ژبەر ناکوکیێن دناڤبەرا ھەردو مالان دا نەدایێ، کوری ژن ئینا و کچێ ژی شووکر، بەلێ ھەر ئەڤینا وان ب دوماھیک نەھات، ھەردویان ھێلینا خوە خرابکر و گەھشتنە ئێک، بەلێ کچێ ھەر خیانەتکر و خوە ل گەل کەسەکێ دیتر دا رەڤاندن و ئەڤیندارێ خوە ھێلاو ل دووماھیێ چارەنڤیسێ وان ما ھەلاویستی.
پارێزەر جوتیار تارق زێباری ل دادگەھا ئاکرێ بۆ ئەڤرۆ دیارکر کو کورەک و کچەک بو ماوەکێ درێژ ئەڤیندارێن ئێک بوون ئەو نێزیکی حەفت سال بوون و گۆت: ئەڤی کورێ ھەنێ ئەڤ کچە بو خوە خاست لێ ژبەر ھەبوونا ناکوکیا دناڤبەرا ھەردو مالان دا ئەڤ کچە نەدا ڤی کوری، ئینا ب نەچاری ڤە ئەڤێ کچا ھەنێ شووکر و کوری ژی بو خوە ژنەکا دیتر ئینا، بەلێ ب شووکرنا کچێ و ژن ئینانا کوری ئەڤینا وان ب دوماھیک نەھات. پشتی بورینا دەمەکی ھەردو گەھشتنە رێکەفتنەکێ کچێ خوە ژ زەلامێ خوە دا بەردان و کوری ژی دیسان ژنکا خوە بەردا، ھەردو د بێ زارۆ بوون، ئەڤ رێکەفتنە بو ھندێ بو داکو بگەھنە ئێک و گەھشتنە ئێک و کێشە ھاتە دائێخستن، گۆتژی بەلێ ھەکە دادگەە بزانیت ئەڤێ کچێ خوە دا بەردان دا شوو ب کەسەکێ دیتر بکەت دبێژنە ڤێ چەندێ شاشی و دادگەە پێ رازی نابیت، بەلێ بو دادگەھێ وەسا دیار نەدکر. پارێزەری ئاشکراکر کو یا سەیر دەمێ گەھشتینە ئێک جارەکا دیتر ئەڤێ کچێ خیانەت ل ئەڤیندارێ خوەکر و چوو خوە ل گەل کەسەکێ دیتر دا رەڤاندن، ئانکو خیانەت ل ئەڤیندارێ خوەکر یێ کو حەفت سالا حەزژێ کری و ل سەر خاترا وێ ژنکا خوە بەردای و وێ ژی خوە ل زەلامێ ئێکێ دایە بەردان ژبەر وی، ئانکو کچێ د گۆت ئەڤ زەلامە ل دووڤ سوزێن خوە نەبوو دەمێ ھندە سالا حەزژێ کری ئانکو گەلەک بوھار دانە بەر دلێ وێ ھەموو وەسا نەدەرکەتن.
زێدەتر گۆت: ئەڤیندارێ وێ جارەکا دیتر قەستا دادگەھێ کر داکو چارەسەریەکێ بینیت، بەلێ پاشان داخاز ش مەکر چ سکالا تومار نەکەین ژبەر کارتێکرنا عەشیرەتێ و شەرما کومەڵگەھێ و دابونەریتێن خەلەت ئەڤێن ل سەر دچن، وەکو ئەم ئاگادار ھەتا نکە ئەڤ کێشە مایە ھەلاویستی و ھەر ژنکا ئێکێ ل سەر ناڤێ وییە و ل کەل ئێکێ دیتر خوە دایە رەڤاندن و دیسا ب رەنگەکێ نە قانوونی خوە دایە رەڤاندن و نەھاتیە مەھرکرن ل سەر نافێ ئەو کەسێ رەڤاندی، ل دووماھیێ پارێزەر جوتیاری دیارکر کو ئەو رێکا عەشائیری نەھێلا ئەڤ کەسە خوە ژ ڤێ ژنا خیانەت لێ کری خلاس کەت، ھەکە ب رێیا دادگەھێ با دا قانوون مافی دەتە ڤی کەسی بو خوە دیدەڤانا بینیت و ب ریێن قانوونی ڤێ ژنێ ژێ دەتە بەردان و ھەردولا نە دمانە ھەلاویستی ھەتا نھۆ.
