ژ بەر ڤێ ئەگەرێ چ جاران بۆیاغا پرچێ ب کار نەئینە
ئەڤرۆ نیوز ، زنار تۆڤی:
زانا دبێژن، ئەو ژنێن بۆیاغا پرچی ب شێوەکێ بەردەوام ب كار دئینن ئەگەرێ توشبوونێ ب پەنجەشێرا مەمكان زۆرترە.
زانایێن پەیمانگەها نیشتمانی بۆ ساخلەمیێ، كو لقەکێ وەزارەتا ساخلەمیا ئەمریكا یە، دووڤچوون بۆ 50 هزار ژنان د ماوێ 8 سالان دا كریە و ئاشكرا کریە، کو ئەو ژنێن ب بەردەوامی بۆیاغا پرچێ ب كار ئیناین ب رێژا 9% ب بەراورد ل گەل وان ژنێن بۆیاغ ب کار نەئیناین توشی نەخۆشیا پەنجەشێرێ بووینە.
هەروەسا ئەنجامێن وێ دووڤچوونا وێ پەیمانگەهێ کرین، دەرخستیە کو ئەو ژنێن چارەسەریا كیمیایی بۆ پرچا خوە ب كار ئیناین بۆ هندێ داکو پرچا وان نەرم و خاڤ بیت ئەگەرێ توشبوونا وان ب ڤێ نەخۆشیێ 30% یە.
دیسان ئاشکرا کریە، کو زێدەتر ژ 5 هزار مادێن كیمیایی دناڤا بۆیاغا پرچی دا دهێته ب کارئینان و دبنە ئەگەرێ توشبوونێ ب پەنجەشێرێ.
هەروەسا هەموو ڤەکولینێن كو ل سەر بۆیاغا پرچی هاتینە کرن، ئەگەرێ زێدەبوونێ و توشبوون ب وێ نەخۆشیێ ئاشكرا نەكریە، بەلێ بەلگە هەیە ل سەر ب كار ئینانا بۆیاغا پرچێ و توشبوون ب وێ نەخۆشیێ.
ڤەکولینەکا نوو کو ل گۆڤارا نێڤدەولەتی یا پەنجەشێرێ هاتیە بەلاڤە کرن و ئاشكرا کریە، کو مەترسیا توشبوونێ ب نەخۆشیا پەنجەشێرا مەمکان پەیوەندی ب بكار ئینانا بەرهەمێن كیمیایی یێن پرچێ ڤە هەیە، هەکە بەردەوام بهێنە ب كار ئینان.
د وێ ڤەکولینێ دا کو تێدا ژنێن ئەمریكی یێن پیست رەش ب رڤشت ئەفریقی و ژنێن پیست سپی پشکداری تێدا كریە، ئەو ژنێن رەش پیست یێن کو بەردەوام بویاغێ ب كار دئینن زێدەتر روو ب روو مەترسیا توشبوونێ ب نەخۆشیا پەنجەشێرێ بووینە ب رێژا 60%، بەلێ ئەڤ مەترسیە ل سەر ژنێن پیست سپی 8% بوویە.
