ژ بەر کو پەیکەرسازم دبێژنە من پارەیێ تە یێ حەرامە
ھەرھین محەمەد:
پەیکەرسازێ گەنج باوەر جەمیل محەمەد، د دیدارەکێ دا بۆ بەرپەرێ ھونەری یێ رۆژنامەیا ئەڤرۆ دبێژیت: پەیکەرسازیێ ب پیرۆزی دبینم و ئەڤی کاری دکەم نەکو دا داھاتەکی ب دەست خوە ڤە بینم، یان بەرنیاس بم و پشتی ئەز دەرچوویم ھیڤیا من ئەو بۆ بخوە جھەکی ڤەکەم و گرێدای تایبەتمەندیا من بیت و سوپاس بۆ خودێ ئەڤە بۆ دەمێ شەش ھەیڤانە من بخوە جھەک ڤەکریە و لێ کاردکەم و ب ئەڤی کاری بەرنیاس ژی بوویمە ھەتا رادەکی.
ئەوچەندەژی گۆت: ھەتا نوکە ھندەک کەس ب ئەوی چاڤی سحدکەنە پەیکەرسازا و دبێژن پەیکەرا چێدکەن و بەری پێنچ ھەیڤان کەسەکی بەحسێ من کربوو گوتبوو پارێ وی یێ حەرامە و من ژی گوتە ئەوان بتنێ پەیکەرا چێدکەم بتنێ بۆ جوانیێ نەکو پەرستنا ئەوان بھێتەکرن و من گۆتێ بۆ من بەلگەیا بینن کو کارێ من یێ حەرامە و بەروڤاژی ئەوی داھاتی ئەز مالا خوە پێ ب خودان دکەم و ئەو تشتێن ئەز چێدکەم پتریا وان جھێن شوونواری نە و من ل دەستپێکێ ژ شوونوارێن ئامێدیێ دەستپێکرن و من چێکر و دیسان سوشیال میدیا گەلەک یا ھاریکارە بۆ کارێ من و گەلەک داخازی ب رێیا سوشیال میدیایێ بۆ من دھێن و ئەڤە ژی دەرگەھەکێ گەلەکێ باشە.
