ژ بەر کۆلبەران ٥ سەربازێن ئیرانێ بریندار دبن
ئەڤرۆ نیوز، هۆشەنگ تاجر:
ئەحمەد بەهرامی چالاکڤانێ مافێ مرۆڤان ل رۆژهەلاتێ کوردستانێ بۆ ئەڤرۆ نیوز دیار کر کو ئەڤرۆکە سەرێ سپێدێ ل سەر سنورێ باژێرێ بانە یێ رۆژهەلاتێ کوردستانێ هێزێن ئیرانێ تەقە ل کۆلبەرێن کورد کرن کو د ئەنجام دا دو کۆلبەر بریندار بوون، پشتی روودانێ خەلکێ سەر سنۆری هێرشی هێزێن ئیرانێ کرن و ٥ سەرباز بریندار بوون و هێزێن ژی دی رەڤین.
ناڤهاتی راگەهاند کو ئەڤە هەفتیەکە هێزێن ئیرانێ ٤ کۆلبەرێن کورد کوشتینە و گەلەک ژی بریندار کرینە، ژ بەر هندێ ژی خەلکێ مە ل رۆژهەلاتێ کوردستانێ ژ سەرەدەریا هێزێن ئیرانێ بێزار بووینە و یا ئەڤرۆکە روو دای پێنگاڤا ئێکێ بوو و ئەز ب باوەرم دێ ل دەڤەرێن دی ژی ئەڤ ئالۆزیە دروست بن.
