ژ سروودێن بۆ وەلاتی
رێژین حكمەت
پێشمەرگە..
من بكە خودان ناسنامە
خودان دەولەتەك
خۆ پێ سەرفەراز بكەم
بەرخودانا خۆش مێر و جەنگاوەران
ڤێ ئاخێ هەمی پیرۆزی ماچكرن
سنوورێن قوربانیدانێ شكاندن..
وەلاتێ من..
هەر كەسێ ڕابوو
خۆ ب تە وەركر
چەكێ خۆ ل تە جێبەجێبكر
ئەڤ مللەتە ئاگرە
پیلا و ئاسانە
ژ مرنێ مەزنترە
ژ دوژمنان بهێزترە
ل سەرهلدانان خۆڕاگرە.
كوردستانێ..
كا چاوا تو بووكی بۆ جیهانێ!
دێ دەولەتبوونێ كینە زاڤا!
ئالای دێ كینە زارۆك د كۆشا وەدا
ئەی ڕەقیبێ دێ كینە فریشتەیەك
ژ ئەسمانێ حەفتێ هات بیت خوار!
دا ئەڤ وەلاتە پارستی بیت
ژ گورگێن برسی و
دوژمنێن دین و هار.
