ژ لايێ شه‌رعى ڤه درسته زه‌لام بچيته ده‌ف دو ژنان پێكڤه؟
ئه‌ڤرۆ نيوز:
ناڤه‌ندا فه‌توا ئاينى ل وه‌لاتێ قه‌ته‌ر ده‌رباره‌ى نڤستنا زه‌لامێن خودان دو ژن ل گه‌ل هه‌ردو ژنێن خوه د ئێك ده‌م دا، فه‌توايه‌ك به‌لاڤكر و ئاماژه ب وێ چه‌ندێ دا كو ئه‌و كاره د ئاينێ ئيسلامێ دا يێ دروست نينه.
ب گۆره‌ى به‌لاڤكريه‌كێ كو ناڤه‌ندێ به‌رسڤا پرسيارا ژنه‌كێ دايه كو پشتى ناڤبه‌را دو هه‌ويان گه‌له‌ك باش بووى، ل سه‌ر داخوازا خوه گۆتيه هه‌ڤژينێ خوه كو شه‌ڤه‌كێ ل گه‌ل هه‌ردوكا بنڤيت و ئه‌و كاره ئه‌نجام دايه، د ده‌مه‌كى دا ئه‌و د گرێداى وان به‌ربه‌ستێن ئاينى نه.
به‌لێ ناڤه‌ندا فه‌توايێ ل قه‌ته‌ر راگه‌هاند كو ئه‌و كاره د ئاينێ ئيسلامێ دا نه‌يێ دروسته ژ ئه‌گه‌رێ پاراستنێ ژ شه‌رم و ده‌رنه‌خستنا كێم و كاسيێن هه‌ڤدو، هه‌ر ژ به‌ر هندێ خودانێن دو ژنان نه‌شێن د ئێك ده‌م دا ل گه‌ل هه‌ردو هه‌ڤژينێن خوه بنڤيت و پێدڤيه جودا ئه‌وى كارى بكه‌ن.
