ژ مفایێن دارچینێ
ئەڤرۆ نیۆز،زنار تۆڤی:
دارچین و هیرکێ وێ ب ئێک ژ خوارنێن ب مفا دهێتە هژمارتن بۆ ساخلەمیا مرۆڤی،چونکی پێکهاتا وێ رێگریێ دکەت ل تێکچونا وان خانێن کو ژ ئەنجامێ بلندبوونا رێژا شەکرێ ژ کارکەفتین.
هەروەسا دارچین دبیتە ئەگەرێ نەهێلانا ئازار و هەودانێت چوکی و برینێت گەدەی،هەروەسا دارچینێ مفایێ هەی بۆ پاقژکرنا بوریێن دلی و مولولەیێن خوینێ، هەروەسا پاقژکەرەکێ باشە بۆ بوریا میزلدانکێ.
ل دووڤ وان ڤەکۆلینێن نۆشدارێن زانکویا (کۆبنهانگ) ئەنجامداین تێدا دەرکەفتیە،کو بتنێ ب کارئینانا نیف کەفچکێ هێرای یێ دارچینێ و هندەک هنگڤینی،کو مرۆڤ بەری تێشتێ بخوت بۆ ماوێ 3 رۆژان،دێ مرۆڤی ژ توشبوونا هەودانا چوکی چارەسەر کەت بێی ب کارئینانا هیچ دەرمانەکێ.
هەروەسا ڤەکۆلینەکا دی ئاماژێ ب هندێ ددەت،کو دارچین دبیتە ئەگەرێ کێمکرنا کێشا لەشی و کێمکرنا رێژا کلوسترۆلی دناڤ خوینێ دا،لێ ب مەرجەکی دڤێت مرۆڤ خوە ژ خوارنا شەکرێ ب پارێزیت ل دەمێ نان خوارنێ دا.
