ڤاتيكانێ دانپێدان ب ده‌وله‌تا فه‌لستينێ كر
ئه‌ڤرۆ نيوز:
پشتى بۆ ماوێ ساله‌كێ پشته‌ڤانيا خوه بۆ ده‌وله‌تا فه‌لستين ده‌ربڕى، ده‌وله‌تا ڤاتيكان د چارچۆڤێ رێكه‌فتنه‌كێ دا ب ره‌نگه‌كێ فه‌رمى دانپێدان ب ده‌وله‌تا فه‌لستينێ كر.
د راگه‌هاندنه‌كا فه‌رمى دا، حوكمه‌تا فه‌لستينێ خوه‌شحاليا خوه دياركر و ب پێنگاڤه‌كا ئه‌رێنى وه‌سفكر، به‌لێ ل به‌رامبه‌ر ڤێ چه‌ندێ حوكمه‌تا ئسرائيل ئه‌ڤ پێنگاڤه ب نه‌رێنى وه‌سفكر و ئاماژه ب وێ چه‌ندێ كر كو چو خزمه‌تێ ب قووناغا ئاشتيێ ناكه‌ت.
ئه‌ڤه د ده‌مكى دايه كو ل سالا 2013 ڤاتيكان پێشوازى ل بڕيارا جڤاتا گشتيا رێكخراوا نه‌ته‌وێن ئێكگرتى كربوو بۆ دامه‌زراندنا ده‌وله‌تا فه‌لستين و نوكه سه‌رۆكێ ده‌سته‌لاتا فه‌لستين ژى، مه‌حمود عه‌باس ب مه‌ره‌ما ديتنا پاپا فرانسيس به‌ر ب رۆمايا پايه‌ختێ ئيتاليا ب رێ كه‌فتيه.
