ڤان تشتان ل گه‌ل راوته‌رێ خوه یێ مال نه‌كه
پتریا مالان نها ئامیرێ راوته‌ری تێدایه. هه‌كه ته پێزانین ل سه‌ر ته‌كنۆلۆژیایێ هه‌بن، هه‌ر تشتێ ته بڤێت دێ ل ڤێرێ زانی، به‌لێ هه‌موو كه‌س نزانن دێ چاوان سه‌ره‌ده‌ریێ ل گه‌ل كه‌ن و چو به‌رچاڤ وه‌رگرن و چاوان كارتێكرنێ ل كوالێتیا ئه‌نترنێتێ دكه‌ت.
دشیان دایه ئامیرێ راوه‌ته‌ری ل كۆمپانیێ بگوهۆڕی، دشیان دایه په‌یوه‌ندیێ ژی پێ بكه‌ین دا بزانین ره‌وشا ئه‌نترنێتا مه یا چاوایه. دشیان دایه هه‌لكه‌ین و ڤه‌مرینین و ریستارت ژی كه‌ین، به‌لێ تو نه‌شێی وان تشتان بكه‌ی هه‌كه نه‌زانی دێ چاوان سه‌ره‌ده‌ریێ ل گه‌ل كه‌یی و چاوان پارێزی.
– یێ هشیار به ل وی جهێ دێ راوته‌ری دانیێ
باشترین هه‌لبژارتن ئه‌وه راوته‌ری ل نیڤا مالێ بدانی، ب ڤێ چه‌ندێ دێ شێت تیشكێن ئه‌نترنێتێ ل هه‌موو مالێ به‌لاڤ كه‌ت یان هه‌ر چو نه‌بیت پتریا جهان دێ گریت. بۆ نمۆنه نابیت ئامیرێ راوته‌ری بدانیه ده‌ستپێكا مالێ یان ژی لێنانگه‌هێ. ل لێناگه‌هێ و حه‌مامێ هه‌لم هێزا وای فای دمێژیت ژ به‌ر هندێ دێ خرابترین ئه‌نترنێت وه‌رگری، گه‌له‌ك جاران ژی ژ به‌ر بكارهاتنا بۆڕیێن زێده ل وان جهان كارتێكرنێ ل سه‌ر خاڤیا ئه‌نترنێتێ دكه‌ت و تیشكێن وێ ددزیت، ژ به‌ر هندێ جهه‌كێ گه‌له‌ك باش و گۆنجای ل نیڤا خانی بۆ راوته‌ری هه‌لبژێره.
-هشیاری ئامیرێن دی به
بابه‌ت نه ئه‌وه كو نابیت ب داینه ده‌ف، به‌لێ باشتره ل ده‌ف نه‌هێته دانان. هنده‌ك ئامیرێن هه‌یی كارتێكرنێ ل نیشانا راوته‌ری دكه‌ن و ده‌ما ل ده‌ف وان تشتا دهێته دانان نیشان لاواز دبیت و ئه‌نترنێته‌كا نه‌یا باش دده‌ت. یا باش نینه راوته‌ری ل نێزیك مایكرۆفێ یان ئاڤ ته‌زینك و به‌فرگرێ یان ژی ئامان و جلك شوویێ ڤه بهێته دانان.
دڤێت ژ حه‌ماما كاره‌بێ ژی دوور بكه‌ین چونكو پلا گه‌رمێ ژی زێده دكه‌ت و شه‌هێ ژی.
-رێكخستن
سه‌ره‌رایی جهێ دانانێ و چاوانیا چاڤدێریكرنێ، ئاریشه‌كا دژی دبیت روو ب روو ببین ل دۆر ئامیرێ راوته‌ری كو دڤێت خوه ژێ بده‌ینه پاش وه‌كو پشت به‌ستن ل سه‌ر رێكخستنا كۆمپانیێ و ئابده‌یتنه‌كرنا وی بۆ ماوێ چه‌ند سالان. هێلانا ژمارا نهێنی یا كۆمپانیێ دبیته ئه‌گه‌رێ وێ چه‌ندێ كو گه‌له‌ك ب ساناهی بهێته هاككرن و ئه‌پلیكه‌یشن یێن هه‌ین ب ساناهی ڤی تشتی ئاشكه‌را دكه‌ن.
ئابده‌یتنه‌كرنا ئامیرێ راوته‌ری خه‌له‌تیه‌كا دی یه و پێدڤیه خوه ژێ دوور بكه‌ین. گه‌له‌ك كه‌س یێن هه‌ین هه‌ما كا ل كۆمپانیێ چاوایه دهێلنه وه‌سا و ئه‌ڤه ژی خه‌له‌تی یه و دبیته ئه‌گه‌رێ ئاریشێن ئه‌منی و پتر یێ به‌رتافه، دڤێت به‌رده‌وام بهێته نووكرن و ژماره و ناڤ ژی ناڤبه‌را بۆ ناڤبه‌ر بهێنه گوهۆڕین.
-وایران ده‌ست ڤه نه‌ده
دبیت یا روون بیت یان ژی بێ رامان بیت، به‌لێ هنده‌ك كه‌س یێن هه‌ین وایران ب راوته‌ری ڤه دكه‌ن بێ بزانن جهێ دروست یێ وێ وایرێ كیرێ یه، هه‌كه تو درست بزانی چو ئاریشه تێدا نینه دروسته هنده‌ك جاران ژێڤه‌كه‌ی و پێڤه‌كه‌ی بۆ هه‌ر ئه‌گه‌ره‌كی، به‌لێ شیره‌ته‌كا براینی هه‌كه تو ڤی كاری نه‌زانی ب ره‌نگه‌كێ گه‌له‌كێ باش نه‌كه.
دبیت ئه‌ڤه نه‌یا جوان بیت، به‌لێ گه‌له‌ك كه‌س یێن هه‌ین بێ كو شاره‌زایی هه‌بیت دێ ده‌ستكاریێ د كێبلی دا كه‌ن و تێك ده‌ن و دێ پێدڤی كه‌سه‌كێ شاره‌زا د ڤی واری دا بیت هه‌تا بهێت و ڤی كاری بۆ بكه‌ت، ژ به‌ر هندێ ژی پێدڤی ناكه‌ت كێڤلی ده‌ست ڤه ده‌ت هه‌كه گه‌له‌ك یێ شاره‌زا نه‌بیت.
-ل سه‌ر من پێدڤیه بگرم؟
نه‌یا گرنگه. ل سه‌ر ته نه‌یا پێدڤیه هه‌رشه‌ڤ راوته‌ری ب ڤه‌مرینه، ئه‌ڤه نابیته ئه‌گه‌ر كو باشتر كار بكه‌ت، پێدڤی ناكه‌ت هه‌ر شه‌ڤ یان هه‌ر چه‌ند شه‌ڤان بهێلینه ڤه‌مراندی، هه‌كه مه بڤێت ئه‌نترنێت خۆشتر لێ بهێت. هه‌كه روو ب روویێ ئاریشه‌كێ بووین یان كار نه‌كه‌ت ژ به‌ر هه‌ر تشته‌كێ هه‌بیت، درسته ل وی ده‌می ریستارت بكه‌ین یان ب ڤه‌مرینین و هه‌لكه‌ین.
ل ڤان ده‌ما، دشیان دایه بزاڤا ریستارتكرنێ بكه‌ین، هه‌تا باشتر لێ دهێت و گه‌له‌ك ئاریشێن رۆژانه یێن بچووك چاره كه‌ت. به‌لێ پێدڤی ناكه‌ت ئه‌ڤه ب ره‌نگه‌كێ رۆژانه بهێته ئه‌نجام دان، چونكو ئه‌ڤه هه‌رده‌م نابیته ئه‌گه‌رێ خۆشتركرنا هێلا ئه‌نترنێتێ.