ڤان داخوازیا ژ ھەڤژینێ خوە نەکەن
ئه‌ڤرۆ نيوز:
داخوازیێن ژنان بۆ زەلامان گەلەکن و زەلام ژی ژ ئەگەرێ ئاشق بوونێ بزاڤێ دکەن داخوازیێن وان ب جە بینن، لێ دڤێت سنورەک بۆ ڤان داخوازیا ھەبیت و دبیت ژن گەلەک جاران بێ ئاگەھداریا ھەڤژینێ خوە ھندەک تشتا بکەت زیان بگەھیتە پەیوەندیا وان و ھێدی ھێدی عەشقا ھەڤژینیێ وێ بۆ کێم ببیت.
*پێدڤیە ژن ڤان تشتان ژ ھەڤژینێ خوە داخوازنەکەت!
1-زەلامان وەکو ژنان بیرھاتنێن بھێز نینن و بەردەوام ھەموو کار ل بیرا وی نامینن، ئەڤجا پێدڤی ناکەت ژن ھەموو دەمان بیرھاتن و چیرۆکێن ژیانا خوە ب زڤرینتە ڤە، یان لومەی وی بکەت کو ئەڤ بیرھاتنە و چیروکە تە یا ژبیر کری ب ڤێ چەندی زەلام ب تەمامی بیزار دبیت.
2-نەبێژە ھەڤژینێ خوە تو پتر حەز ژ من دکەی یان دایکا خوە چونکی ئەڤە خەلەتیەکا مەزنە و زەلام و دایکا خوە دو کەسێن پلە ئێکن و زەلام نەشێت ئێک ژ ھەوە ب ھەلبژێریت و ب ڤێ ئاخفتنێ زەلام بێزار دبیت.
3-ژن بەرێ خوە ددەتە ھەموو تشتێن جوان دا کو سەرنجا زەلامی رابکێشتیت، لێ مەرج نینە زەلامێ تە سەح بکەتە ژنەکا دی و ب دلێ وی بیت و تە ژ بیربکەت و ئەڤ چەندە نورمالە، لێ پێدڤیە ژن ڤێ رەفتارێ ل گەل ھەڤژینێ خوە نەکەت و وێ داخوازیێ ژی نەکەت کو نابیت تو سەح بکەیە چ ژنان بەلکو باوەریا خوە پێ بینە و ڤێ داخوازیێ ژێ نەکە.
4-داخواز ژ ھەڤژینێ خوە نەکە کو دەستا ژ بەھرە وحەز و ئارازویێن خوە بەر دەت، چونکی دووماھیێ دێ زیان ب تە کەڤیت.
5-ھەڤالینیێ گرنگیا خوە ھەیە و دیسان خێزانێ ژی گرنگیا خوە ھەیە، ئەڤجا وێ بزاڤێ نەکە کو ھەڤژینێ تە دەستا ژ ھەڤالێن خوە بەردەت یان ھەڤالینیا کەسێ نەکەت.
6- زەلام ب گشتی سەح دکەنە یاریا تەپا پێ و ئارەزویا وانە، لێ رێژەکا کێما ژنان سەح دکەنە یاریێن تەپا پێ و ھندەک نا سەحکەنێ ژی، لێ نابیت ژن بێژیتە ھەڤژینێ خوە ئەز نا سەحکەمە یاریا لەوا نابیت تو ژی سەح بکەیێ و ڤێ داخوازیێ نەکە چونکی دێ ھەڤژینێ تە ژ تە بیزار بیت.
