ڤان سحبەتان د ژوورا نڤستنێ ڤە نەکە
ئەڤرۆ نیوز:
د گەل ھەڤبەندیێن گەرم، ل سەر ھەڤژینان پێدڤیە ب راستی و زەلالی حەز و داخوازیێن خوە ئاشکرا بکەن و داکوکیێ ل تشتێن ئەرێنی بکەن، بزاڤێ ژی بکەن وان ئەرێنیان وەرارێ بێخنێ و پێشڤە ببەن یان ژی ھندەک پێشنیازان بکەن کو دھاریکار بن بۆ سەرخستنا وێ ھەڤبەندیی، بێی ئاماژێ بدەنە تشتێن نەرێنی یێن لایەنەک ژ وان ھەست ب کەفتنێ بکەت و گێولێ وی/وێ تێک بدەت.
لەورا ھەڤگەھشتن رەگەزەکێ بنیاتی و گرنگە بۆ سەرخستن و بەردەوامیا پەیوەندیان د ناڤبەرا ھەڤژینان دا، نە ب تنێ ژ ئالیێ سیکسی ڤە، بەلێ ژ ئالیێ دلینی ژی ڤە، بەلێ پێدڤیە دەمێ گونجای بۆ ڤێ ھەڤگەھشتنێ ھەلبژێرن دا ئەنجامێن بەرۆڤاژی نەبن، بتایبەت دەمێ پەیوەندیا سیکسی.
بزانە پێدڤیە ھندەک سحبەتێن سیکسی د ژوورا نڤستنێ ڤە بھێنە گەنگەشەکرن و ھندەک سحبەتێن دی ل ھندەک جھێن دی، د چارچووڤێ کریارا سیکسی دا، پێدڤیە دەم یێ گونجای بیت بۆ سحبەتێ ل سەر وێ چەندێ کا ھەر لایەنەک چ دخوازیت و ب رێیەکا نەرم و جوان دیار بکەت.
ژ ئالییەکێ دی ڤە، ھندەک سحبەتێن ھەین دڤێت نەھێنە کرن، وەکو تێر نەبوونا حەزا سیکسی یان ئەو ئاریشێن گرێدای پەیوەندیا سیکسی و گەھشتنا ب خۆشیێ، یا باش ئەوە ئەو جۆرێ سحبەتان ل دەم و جھەکێ دی بھێنە گەنگەشەکرن، وەکو دەمێ خوارنا شیڤێ ژ دەرڤەی مالێ.
دەمێ تو وان بابەتان ژی گەنگەشە دکەی، ھشیاری رەخنەیا ئێکسەر بی، ژ لایەنێن ئەرێنی دەست ب سحبەتێ بکە، پاشی بەحسا داخوازی و حەزێن خوە بکە و داکوکیێ ل سەر نەرێنیان ژی نەکە.
دوبەرەکیێن ھەڤژینیێ و ئاریشێن ناڤمالێ ژی گەنگەشە نەکە، وەکو مەزاختنا پاران و ئاریشێن زارۆیان یان ھەر سحبەتەکا نەرێنی د پەیوەندیێ دا یانت پشتی وێ، دا چو باندۆرێن دەروونی نەئێخیە سەر پەیوەندیا سیکسی، دەمەکێ گونجای ھەلبژێرە بۆ گەنگەشەکرنا وان بابەتان و دوور ژ ژوورا نڤستنێ.
ژوورا خوە یا نڤستنێ بکە جھەکێ تایبەت یێ نڤستنێ و بێھنڤەدانێ و ئەنجامدانا سیکسی، بلا ئەو ژوور یا ڤالا بیت ژی ھەر تشتەکێ ھزرا ھەوە دووربێخیت، وەکو کومپیۆتەری و تەلەڤزیۆنێ و یاریێن زارۆیان و نووچەیان،
رۆناھی و بۆیاغەکا گونجای بۆ ژوورا خوە ھەلبژێرە، ئەوێن ھەستا تەنابوون و بێھنفرەھیێ پەیدا دکەن، ھندی ژوور یا ھاندەر بیت بۆ رحەتیێ و تەنابوونێ، دێ پتر تە بەرھەڤ کەت بۆ پەیوەندیێ ب ئاوایەکێ باشتر و خۆشتر.
