ڤان سێ بەرنامەیان بكاربینە دا ژ مۆبایلێ دووركەڤی
كەسێ گۆمان ل سەر وێ چەندێ نینە كو نها مۆبایلان گرنگیەكا تایبەت یا دەف مە هەیی و جهەكێ گرنگ یێ د ژیانا مە دا پڕ كری، گەهشتیە رادەكی ژی كو ئەو ل دەستپێكا هەر تشتەكی یە و سەر ژ هەر تشتەكی وەرگرتیە. گەلەك ژی ل سەر مودمن بووینە، ژ بەر ڤێ چەندێ ژی گەلەك كۆمپانیان بزاڤ كرینە هندەك ئەپلیكەیشنا دروست بكەن بۆ وێ چەندێ بشێن چەندەكێ بكارئینەرێن وان ژ مۆبایلێن وان دوور بكەن. ل ڤێرە دێ سێ ژ وان ئەپلیكەیشنا بەرچاڤی هەوە كەین.
1- Forest
هەكە تو ب زەحمەت تلەفۆنێ ژ خوە دوور دكەیی و پتریا جاران د دەستێ تە دایە و نەشێی ب رژدی ل سەر بابەتان راوەستی، ئەڤ ئەپلیكەیشنە دێ هاریكاریا تە كەت، هەكە تو د كارەكێ دەستنیشانكری دابی و پێدڤی ب وێ چەندێ بیت ب باشی هزرا خوە بدەیە كاری و هزرا تە ل سەر مۆبایلێ بیت، ب تنێ ل سەر تە پێدڤیە تو مۆبایلا خوە ڤەكەیی و دارەكێ د ڤێ ئەپلیكەیشنێ دا بچنی، هندی تە مۆبایلا خوە ژ خوە دوور كر، ئەڤ دارە دێ پتر گەشێ كەت و چێ بیت، هەر دەما تە نەشیا خوە و دەست دا مۆبایلێ دێ ئەڤ دارە ژ ناڤ چیت، دبیت تو هزر بكەیی ئەڤە تشتەكێ سەرنەكەفتی یە، بەلێ دەمێ تو ڤێ ئەپلیكەیشنێ دانلۆد دكەیی مێشكێ تە ب خوە دێ تە ل سەر ڤێ چەندێ نەچار كەت و كارێ خوە كەت.
2- Checky
تە چ جارا هزرا خوە كریە تو رۆژێ چەند جاران مۆبایلا خوە ڤە دكەیی و دچیە د ناڤ دا؟ ئەڤ ئەپلیكەیشنە دێ بەرسڤا تە دكەت، گەلەك ئاماراێن دژی دێ بۆ تە بەرچاڤ كەت كا چەند دەمژمێران ل سەر مۆبایلێ ی و ئەو كێش بەرنامەنە زێدەتر ڤەدكەیی و هەر ئێك ژ وان چەندێ دەمژمێران ل سەر دمینی و گەلەك تشتێن دی.
چو پێ نەڤێت ئەڤ ئامارە دێ بنە ئەگەر پتر یێ هشیار بی و پێداچوونەكێ ل سەر مۆبایل و دەمێن ڤەكرنا وان دار بكەیی. ئێدی دێ وەكو رەنگە چالنجەكێ د ناڤبەرا تە و مۆبایلێ دا دروست بیت كا دێ شێی چەندێ ژ وی دەمێ تە ل سەر د كوشت ب ڤەگەرینی.
3- Flipd
ئەڤ ئەپلیكەیشنە هەتا رادەكێ باش یا پێش كەفتیە ژ یێن پێشیا خوە، پشتی چەندین ڤەكۆلینێن زانستی هاتیە دروستكرن. هزرا ئەپلیكەیشنێ ئەوە كار ل سەر ڤەشارتنا ئەپلیكەیشنا د ناڤ مۆبایلێ دا دكەت یێن نەیێن گرنگ ژ ئەگەرێ پێرابوونێن تە بۆ كارێن گرنگ و تە ژ نامە و هاتنا زەنگێن ئاگەهداركرنێ یێن نەیێن گرنگ دوور دكەت و ناهێلیت بەرسڤا هەرتشتەكی بدەیی ژی. هندەك تشتێن گرنگ ل دووڤ حەزا تە بۆ تە د جهەكی دا دەستنیشان دكەت ل دەمێ پێدڤی دبیێ ل گەل ژمارێن گرنگ.
