ڤان فێقیان ل زڤستانێ بخۆ

ئەڤرۆ نیوز:
وەرزێ زڤستانێ ژ ھەموو وەرزان گرنگترە بۆ چاڤدانا سیستەمێ خورانێ، پێدڤیە سیستەمێ خوارنا ساخلەم بۆ زڤستانێ گەلەک کەرستێن تێرکەر و ڤیتامین د ناڤ دا ھەبن کو دناڤ فێقیێ وەرزی دا ھەنە، ئەڤە ھندەک فێقیێن خۆشێن زڤستانێ نە کو کارتێکرنەکا باش یا ل سەر بەرھنگاریا لەشی ھەی بۆ نەخۆشیێن سەرمایێ و پرۆسەیا ھەرەسانا خوارنێ:
1- پرتەقال: پتریا فێقیێن زڤستانێ ب ڤیتامین C دەولەمەندن، ئەو چەندە ژی ھاریکاریا کوئەندامێ بەرھنگاریێ دکەت دژیاتیا ھەودانا کوئەندامێ ھەناسێ بکەت، تو دشێی ل ھەر چار وەرزێن سالێ پرتەقالێ بخۆی، بەلێ ل زڤستانێ مفایێن وێ زێدەترن.
2- ھنار: باشترین فێقیە مرۆڤ ل وەرزێ زڤستانێ بخۆت، گەلەک کەرستێن ب مفا د ناڤ دا ھەنە و یا ھاریکارە بۆ دژایەتیکرنا پەنجەشێرێ و بۆ ساخلەمیا دلی یا باشە.
3- سندی: خوارنا سندیێ یا ھاریکارە بۆ بدەستڤەئینانا ھەڤسەنگیا سەنگێ، کوئەندامێ بەرھنگاریێ ب ھێز دئێخیت، دەمێ گەلەک سندیان دخۆی دێ بینی پیست و دێمێن تە جوان و زەلال بوون.
4- مۆز: ژێدەرەکێ باشە بۆ ڤیتامین B6، ریشالۆک، پوتاسیۆم و ڤیتامین C. یا باش ئەوە مۆزا گەھشتی بخۆن ھێشتا رەنگێ وێ یێ زەر و ھندەک خالێن ئەسمەر ل سەر بن.
5- کاکی: فێقیەکێ زڤستانێ یێ گەلەک گرنگە، گەلەک کانزا د ناڤ دا ھەنە، ھەکە تە نەڤێت ب تنێ ژی بخۆی د گەل ھندەک جۆرێن دیێن فێقی بخۆ.

کۆمێنتا تە