ڤان پێزانینان ژ میلانیا ترامپ بزانە

ئه‌ڤرۆ نيوز:

میلانیا کناوس ترامپ، نیشادەرا جلکان یا سلۆڤینی یا بەرێ و نھا ژی ھەڤژینا سەرۆکێ نوو یێ ئەمریکا دۆنالد ترامپی و خانما ئێکێ یا وی وەلاتی، ل وەلاتێ سلۆڤینیا ژدایک بوویە و ل سالا 2006 زەگەزناما ئەمریککی وەرگرتیە، میلانیا ھەڤژینا سیێ یە یا ترامپی، کوڕەک ب تنێ ژ ترامپی ھەیە.
میلانیا کناوس ل سالا 1970 ل سلۆڤینیا ژ دایک بوویە، سالا 2001 مۆلەتا ئاکنجیبوونێ ل ئەمریکا وەرگرتیە و پاشی ل سالا 2006 بوویە وەلاتی، ئەو دبیتە دووەم خانما ئێکێ ل ئەمریکا ژ دەرڤەی ئەمریکا ژدایک بووی پشتی لویزا ئادەمز.
میلانیا پێنج زمانان ب باشی دزانیت، ئەو ژی: سلۆڤینی، فرەنسی، سربی، ئەلمانی و ئنگلیزی.
ژیانا خوە یا کاری ل عەمرێ 16 سالیێ وەکو نیشادەرا جلکان دەست پێکریە، پاشی بوویە نیشادەرا جلکێن ژناڤدا، وەکو ل سەر بەرگێ گۆڤارێن Vanity Fair یا ئیتالی و Harper’s Bazaar یا بولگاری دەرکەفتی.
ھەڤژینا سیێ یا ترامپی یە پشتی ئیڤانا ترامپ و مارلا ماپلێس، ل سالا 1988 د ئاھەنگەکێ دا ھەڤناسین د گەل ترامپی کریە.
میلانیایێ و ترامپی ل سالا 2005 ھەڤژینی پێکئینایە، بیل کیلنتۆن و ھێلاری ژی داخوازکریێن شەھیانا وی بوون.
کوڕەکێ ژ ترامپی ھەی و ناڤێ بارۆنە و عەمرێ وی 10 سالن، سەرەرای ژیانا خۆش و ھژمارا خزمەتکاران ل بەردەستێ وێ، میلانیا ب خوە چاڤدێریا خواندنا کوڕێ خوە دکەت و ئەو دگەھینیتە خواندنگەھێ و چالاکیێن وەرزشی.
دیزاینەرا دڕ و مەرجانایە، گرۆپەکێ وان ب ناڤێ “Melania Timepieces and Jewellery Collection” ل سالا 2010 پێکێش کر بوو.
چالاکڤانەکا جڤاکی یە و پشکداری د گەلەک کارێن خێرخوازی دا کریە.
ژبەرکو ل ڤێ دوماھیێ بوویە خانما ئێکێ یا ئەمریکا، میلانیایێ بریار دایە پشتەڤانیا ھەوا “Cyber Bullying” ل دژی توندوتیژیێ و تەنگاڤکرنا ئەلکترۆنی بکەت، یا ھەموو زارۆ و سنێلە ل ئەمریکا تووش دبنێ.

کۆمێنتا تە