ڤه‌دیتنێن رێڤه‌به‌ریا گشتی یا په‌روه‌ردێ بێهنا وانه‌بێژان ته‌نگ كریه
ئه‌ڤرۆ، هه‌رهین محه‌مه‌د:
ماموستایه‌كێ وانه‌بێژ دیاردكه‌ت كو وانه‌بێژ گه‌له‌ك یێ خه‌مخورو رژده ل سه‌ر گۆتنا وانێ و پێگێری ب ده‌وامێ، چونكو ل ڤێ دووماهیێ لێبرین بۆ وان دهێنه‌دان و پترگێولێ وان ل ده‌وامێ ده‌ت زو دیسان ئومێده‌كا مه‌زن ژی ل ده‌ڤ وان چێبوویه كو رۆژه‌كێ بنه گرێبه‌ست، یان بهێنه دامه‌زراندن.
به‌یار ره‌مه‌زان عه‌لی، ماموستایێ وانه‌بێژ ل قوتابخانا هه‌ڤوت یا بنه‌ره‌ت بۆ به‌رپه‌رێ په‌روه‌رده و زانكۆ یێ رۆژناما ئه‌ڤرۆ گۆت: جواداهیه‌كا دیار هه‌یه دناڤبه‌را ماموستایێ وانه‌بێژ و ماموستایێ هه‌میشه‌یی دا و دبینم ماموستایێ وانه‌بێژ یێ خه‌مخوره و رژده و حه‌زا وانه گوتنێ هه‌یه و دبیت ئاره‌زویا وی ماموستایی بیت و كه‌یفا وی گه‌له‌ك هات بیت ب كارێ وی كو نه‌هێته دویر ئێخستن ژ كارێ وی و یێ هه‌میشه‌ژی یێ بێ منه‌ته و هه‌موو ده‌مان ماموستایێ وانه‌بێژ بیست و چار به‌هر هه‌نه و ماموستایێ هه‌میشه‌یی دبیت دوازده به‌هر هه‌بن و پشتی (لێبرین) داین كار پتر باشتر دهێته‌كرن و ماموستایێ وانه بێژ پتر گێولێ وی ل سه‌ر كارێ وی یێ ماموستایێ ده‌ت و نوكه ل قوتابخانا مه پتریا ماموستایان وانه بێژن و رێڤه‌به‌را مه جوداهیێ ناكه‌ت دناڤبه‌را ماموستایێن وانه‌بێژ و یێن هه‌میشه‌یی شێوازێ رێڤه‌برنا وێ بۆ هه‌ردوكا وه‌كو ئێكه و ل ده‌ستپێكا هه‌ر وانه‌بێژه‌كی ژی ده‌مێ پێدڤی هه‌رتشته‌كی دبیت پێزانینان ده‌تێ كو مفای ژێ وه‌گریت و یا به‌رهه‌ڤه ژی بهێته ڤه‌دیتنا ماموستایی و گوهداریا وانێ بكه‌ت كا وانه‌بێژ چه‌وان وانێ شرۆڤه‌دكه‌ت و هه‌رتێبینیه‌كا هه‌بیت ئه‌و ده‌ته ماموستایی، چونكو وان پتر شاره‌زایی دوارێ ماموستایێ دا هه‌یه و پتر دوێره‌كن ل بنێ پولێ و هه‌مبه‌ری قوتابیان، ئانكو ب هه‌موو لایان ڤه یا هاریكاره بب تنێ دا كو قوتابی مفای بینن و ماموستایێ وانه‌بێژ ژی وه‌كو ماموستایێن هه‌میشه‌ی فێری هه‌موو ئه‌ته‌كیتێن گوتنێ و ماموستایێ بیت و بزانیت دێ چه‌وان وانێ شرۆڤه‌كه‌ت و چ یا پێدڤیه ل سه‌ر ماموستای بكه‌ت.
ماموستا به‌ریاری ئه‌و چه‌نده‌ژی گۆت: ماموستایێ وانه‌بێژ رژد تره بۆ شرۆڤه‌كرنێ و پێگێریكرن ب ده‌وامێ، چونكو پتر ئومێد یا بوو ماموستایێن وانه‌بێژ چێبووی و كو رۆژه‌كێ بنه گرێبه‌ست، یان دامه‌زراندن و دیسان سێ سه‌د و پێنجی هزار دینار وه‌كو موچه‌كێ هه‌یڤانه بۆ وان هاتیینه ده‌ستنیشانكرن و هنده‌ك مه‌رج ژی هاتینه دانان هه‌مبه‌ری وانه‌بێژی و خوه هه‌كه ل بهێنڤه‌دانا هاڤینی ده‌وامێ ژی نه‌كه‌ن نیف موچه‌ك ب وان بهێته‌دان و رێڤه‌به‌ریا گشتی یا په‌روه‌ردێ ژی هه‌موو ده‌مان وانه‌بێژێن تایبه‌تمه‌ند دڤێن ژبۆ پێگه‌هاندنا قوتابیان و نوكه ژی ئه‌و ژ بۆ ڤه‌دیتنا وانێ و كا ئه‌م وانه‌بێژ چه‌وان وانێ شرۆڤه‌دكه‌ین و هه‌كه وانه‌بێژ نه‌یێ باش بیت ئه‌و رێڤه‌به‌رێ قوتابخانێ هایدار دكه‌ن ل سه‌ر وێ چه‌ندێ و ب ڤێ چه‌ندێ ژی هه‌تا راده‌كی بهێنا ماموستایێن وانه‌بێژ ته‌نگ كریه، چونكو ده‌لیڤا دامه‌زراندنێ هه‌تا كو سالا 2010 ژی هه‌بوو، به‌لێ نوكه كولیژه و زانكویێن نه‌حكومی و ئێڤاریان ژی هاتنه ڤه‌كرن و هژمارا ده‌رچوویان زێده‌بوویه و دبیته بارگرنی بۆ حكومه‌تا هه‌رێمێ و حكومه‌تا هه‌رێما كوردستانێ ژی چو سه‌ر خوه ناهێلیت هه‌تا كو هنده‌ك ماموستا و فه‌رمانبه‌ران خانه‌شین بكه‌ت و هنده‌ك كه‌سێن دی وه‌كو وانه‌بێژان لجهێن وان ب دانن و سال بۆ سالێ وانه‌بێژ پتر ب ئومێد دكه‌ڤن بهێنه دامه‌زراندن و ل دووڤ وان بریارێن وه‌زاره‌تا خاندنا بلند دده‌ن.
زێده‌تر ژی گۆت: دو سالێن بوری ژبه‌ر هاتنا په‌ژیكا كۆرۆنایێ گه‌له‌ك كارتێكرنا خوه هه‌بووویه ل سه‌ر قوتابیان و قوتابی ده‌رچوو قوناغه‌كا دی، به‌لێ ئه‌و قوتابیه دبوو بارگرانی بۆ هنده‌ك ماموستایان و دڤان سالێن بوری دا قوتابی گێولێ قوتابخانێ و خاندنێ نه‌مابوو بتنێ حه‌زا یاریكرن و ده‌ركه‌فتێ و ئایپاتی هه‌بوو، به‌لێ ئه‌ڤ ساله ده‌وام گه‌له‌ك باش هاته كرن و هێدی هێدی قوتابی وه‌كو به‌رێ یێ فێری ژینگه‌ها قوتابخانێ و خاندنێ دبیت.
