ڤهرێژا كارهساتا شنگال و مه ترسیێن بهردهوام
پشتی كارهساتا شنگال و هاتنا ب سهدان ئاوارێن شنگالێ بۆ ههرێما كوردستانێ و ئاكنجیكرنا وان د كهمپێن بێ سهروبهر دا و نهبوونا ئازوَقهی وهك پێدڤی و نهبونا دهرفهتێن كاری و ب سهردا هاتنا قهیرانا داریی و بڕینا بوَدجێ ههرێمێ ژلایێ حوكمهتا بناڤ فیدرال و هاتنه خوارا بههایێ پترۆلێ و ب ههزاران خێزان دنالن ژ ههژاری و پشتی ژ دهستێن تیرۆرێ رزگاربووین و خهلكێ ههرێما كوردستانێ ب ههموو رێكان هاریكاریێن ههمهجۆر بۆ برایێن خوهیێن ئاواره دابینكرین و جهێ سوپاسی و شانازیێ یه. لێ مخابن مهودا درێژبوو و حوكمهتا عێراقێ هاریكاریا وان ناكهت سهرهرای كو دڤیا مهزاختنا پێدڤیێن وان ل سهر بوَدجێ عێراقێ بییت. ههروهسا نههاتنا پێدڤیان كو ل ئاستێ ژیانهكا بهختهوهر بیت، لهوما هندك ژ وان نهچار دبن زارۆكێن خوه ئاراستهی خوازوَكیێ بكهن ل كۆلانێن گوندان و باژێران و بتایبهت ل دهۆكێ. ئهڤه دیاردهكا مهترسیداره و دل ئێشه بۆ ههر مرۆڤهكێ خودان وژدان، بهلێ مخابن كهس خوه ل وان زارۆكان ناكهته خودان و ئاغا و مهزنێن وان یێن دیرۆكی و ههروههر و ل ههموو سهردهمان دڤێلایێن ئهڤرۆ ستی و خانیێن مۆدێرن دا دژین و دوور نینه ههتا نها پارێ كوَچكا و شێخێ هوزێ دخۆن و مللهتێ وان ل كهمپان و ههیكهلێن بێ سهروبهردا دژین و هندهك ژ مللهتێ وان د دهریا ئیجه دا دخهندقن و ل كۆلانێن ئهورۆپا ل هیڤیا حهلیانێ و وهرگرتنا مافێ پهنابهریێ نه. وهك نموونه رۆژهكێ ئهز ل دهۆكێ بووم زارۆكهكی ژیێ وی (11-12)سالی هات و سلاڤ كر و گوت مامۆ خیرهكێ بده من ئهز ههژارم؟؟؟ ئهوی نهدزانی ئهزێ چ مللهتم ؟؟ من گوتێ ناڤێ ته چیه؟؟ گوت ناڤێ من (ا-خ)من گوتێ تو ئێزدی؟؟ گوت بهلێ ئهز ئاوارێ شنگالم. من گوتێ مالا وه ل كێدهرێ یه؟؟ گوت مالا مه ل كهمپا. .. ؟؟؟؟ و بابێ من دانعهمره و دهیكا من مریه و ئهم پێنج زارۆكین و كهس نینه مه بخودان بكهت و من ژ نهچاری قوتابخانه هێلایه داكو خووشك و برایین خوه بخودان بكهم.. من گوتێ تو رۆژێ چهند پارهی بدهستڤه دئینی؟؟؟ گوت (4-5)ههزاری و گوت ژمارا چادرا مه. .. .. . من گوتێ ئهڤه بۆ ته پاره و ههره ئهڤرۆ به س بگهره و رۆندكا خوه ل چاڤێن وی نهگرت و دلێ من گهلهك پێ سۆت و گوت منژی دڤیا ئهز نۆكه ل قوتابخانێ بام وهكو ههڤالێن خوه و نهباما پێكهنیێ خهلكێ و من گوتێ چ نینه مه ههموویا ههژاری و دهربهدهری دیتیه و خهما نهخوه دێ دهرباس بیت لێ ئهوی گوت ئهم (5-6)زارۆكێن ههژارین رۆژانه دئیێن بۆ خوازهكیێ؟؟؟ خواندهڤانێ هێژا دزانیت چهند مهترسی ل سهر هزر و بیرێن ڤان جۆره زارۆكان ههیه لهوما بانگهوازیا مه بۆ ههموو كهمپێن ئاواران و رێڤهبهرێن وان ئامارهكێ بۆ وان خێزانێن زۆر ههژار و پێدڤی چێكهن و دهستێ هاریكارێی بۆ وان درێژ بكهن ههر چهنده زۆربهی ههره زۆری ئاواران دههژارن ژبهر بێ كاریێ و ئاوارهیێ و زۆربهی وان پارێن كارتا نهزیرهك نهوهرگرتیه و ئهرزاقێ دهێت، ناهێته خوارن و قهوولبوو ههر خێزانهكێ ههیڤانه (400)ههزار دینارا بدهنێ و ئهوژی نههات ژ ئهگهرێ گهندهلیا بهرپرسێ بادهكا ئاواران ل بهغدا و مخابن زۆربهی ریكخراوێن بیانی بازرگانیێ بهاریكاریێن ئاواران دكهن و جۆرێ ئازوَقهی زۆر یێ خرابه و ناهێته خوران و ههر نهخهما
كهسی یه؟؟؟ هیڤیدارین لایهنێن پهیوهندیدار و كاربدهست و خودان دهستهلات و پله و پایه و بناڤێ ئێزدیان گههشتینه وان جهان خوه ل ڤان ئاریشان بكهنه خودان و هندهك ژئێش و ئازارێن وان سڤك بكهن ژبۆ تهناكرنا وژدانێ خوه وهك ئهركهكێ مرۆڤایهتی.
