ڤه‌ژین
سالح حه‌كیم
د گه‌ل هلدانا هه‌ر كۆباره‌كێ
ب گوهدانا هه‌ر حه‌مده‌كێ
د ئاڤابوونا شه‌ڤا د شیڤێ دا
مرنا د پاییزێ دا
دێرینه دیرۆك
خه‌مێن گران و ب ژان
د هه‌بوونێ دا
ده‌ست ب بێچاره‌یێ دكه‌ن
ئومێدێ نازدار ژی
خوه وه‌رزانه ژی نیشا مه ناده‌ت
ده‌ستێ خوه‌یێ بریندار
نا دانیته سه‌رسه‌رێ مه یێ ب نال
دێ بلا به‌لگێن راستیێ د كه‌سك بن
بلا چاڤێن خه‌ما سۆربین
داكو هه‌موو سپێده‌هیان
كه‌سك و سۆره‌كی
نیشانی كوڕ و نه‌ڤیێ خوه بده‌م
ما كه‌نگی كه‌نی
ما گریێ مه ئاڤز نه‌بوو
سوباهی
جۆتكه‌كێ كه‌نی بیت
و ل كچا خوه بینه مارێ
داكو ئومێد ژی هیڤیێ د گه‌ل خوه
بینته باژێرێ مه
ل شه‌هیانا هه‌وه
نه ئێدی عه‌تۆ سیپه‌لێ كرێت دكه‌ت
نه پێرۆ شه‌پالێ دوور دكه‌ت
سیپه‌ل و شه‌پال
د هه‌موو سه‌یران و سه‌رمایان دا
دگه‌رمن
دێ بلا به‌س بیت
بازرگانیا ب تل و ده‌ستێن هیڤیێ
ل كۆلانێن بێ ئومێدیێ
ل سالا بهێت دا
به‌رهه‌مێ مه
سه‌ردار و سه‌ركه‌فتن و جوانه بهار بن.
