ڤياگرايێ زاڤايه‌ك كوشت
ئه‌ڤرۆ نيوز:
ل پارێزگه‌ها ئيب يا يه‌مه‌ن گه‌نجه‌كێ 25 سالى د شه‌ڤا ئێكێ يا زاڤاينيا خوه دا گه‌هانده نه‌خۆشخانێ، به‌لێ نوشدار نه‌شيان چ بۆ بكه‌ن، ژ به‌ر كو به‌رى بگه‌هيته نه‌خۆشخانێ ژيانا خوه ژ ده‌ست دابوو.
ئێك ژ كه‌سانێن نێزيكى زاڤايى د ڤێ ده‌ربارێ دا گۆت: “ده‌مێ مێڤان چووين، زاڤايى خوه ئاماده كر دا كو ل گه‌ل هه‌ڤژينا خوه جووت بيت، به‌لێ ژ به‌ر كو دڤيا ژ لايێ سكسى ڤه چو كێشه نه‌بن، هژماره‌كا حه‌بكێن ڤيگارا ل سه‌ر ئێك خواربوون”.
پشتى ماوه‌كێ كێم ژ ئه‌گه‌رێ خوارنا پێنج حه‌بكێن ڤياگرا، لێدانێن دلێ وى گه‌له‌ك زێده ببوون و هاش خوه نه‌ما، خێزانا وان ژى بره نه‌خۆشخانێ، به‌لێ يا بێ مفابوو، ژ به‌ر كو ژ به‌ر وێ رێژا زێده يا حه‌بكان ل سه‌ر ئێك ژيانا خوه ژ ده‌ست دابوو.
ئه‌ڤ حه‌به ب وان كه‌سان دهێته دان يێن شانێن وان يێن سكسى دكێم بن، به‌لێ ژ به‌ر زيانێن وێ يێن مه‌زن، نابيت بێى نوشدار بهێته ب كارئينان.