ڤيا به‌رده‌ت، خيانه‌ت كره به‌هانه
ئه‌ڤرۆ نيوز:
پارێزەرەکێ دادگەھا دھۆکێ راگەھاند، زەلامەکی ھەڤژینا خوە ب خیانەتێ تاوانبارکر و ل دادگەھێ سکالایەک ل سەر تومارکر و گۆت من دڤێت بەردەم، گرۆڤە ژی ل سەر ھندێ کاغەزەک د دولابێ دا دیت بوو ژمارەکا موبایلێ ل سەر بۆ کو دچیتە پشت لێنانگەھێ و تەلەفونێ دکەت، ژنێ ئەڤ رەفتارە رەتکر، بۆ دادگەھێ ژی قەناعەت چێ نەبوو و نەھاتە سەلماندن کو خیانەتە و نەھاتنە بەردان، ئەگەرێ سەرەکی ژی دایک و بابێن کورکی بوون ئەڤ ژنە نەدڤیا، کوری خوە پالدا کو ب ھەر ھێجەتەکا ھەبیت خوە ژ ڤێ ژنێ خلاس کەت.
پارێزەر مەردان تاھر ل دادگەھا زاخۆ بۆ رۆژناما ئەڤرۆ دیارکر کو زەلامەک و ژنەک بوون ژن یا نەخوێندەوار بو و زەلام یێ خوێندەوار سێ زارۆ ھەبوون، بارێ وان یێ ئابووری یێ ناڤنجی بۆ و گۆت: زەلامی ھەڤژینا خوە ب خیانەتێ تاوانبارکر و ل دادگەھێ سکالایەک ل سەر تومارکر و گۆت من دڤێت بەردەم، گرۆڤە ژی ل سەر ھندێ کاغەزەک د دولابێ دا دیت بوو ژمارەکا موبایلێ ل سەر بۆ کو دچیتە پشت لێنانگەھێ و تەلەفونێ دکەت، ژنێ ئەڤ رەفتارە رەتکر، بۆ دادگەھێ ژی قەناعەت چێ نەبوو و نەھاتە سەلماندن کو خیانەتە، ئەگەرێ سەرەکی دایک و بابێن کورکی بوون نە د دەستێ وی ژی دا بۆ، وان نە دڤیا ئەڤ ژنە بەردەوامیێ بدەتە ژیانێ ل گەل کورێ وان، گۆتژی ناکوکی دناڤ خێزانێ دا ھەبوون و زەلام لنک بابێ خوە بوو و رێ نەدا ژنێ بۆ خوە مالەکا سەربخوە ھەبیت، ژنەکا بێ دەستھەلات بوو، ھندی زەلام دھاتێ کو ب ھێجەتەکێ ھەڤژینا خوە بەردەت قەناعەت بۆ دادگەھێ چێ نەد بوو، ل دووماھیێ ھەما گۆتە دادوەری دێ ھەڤژینا خوە بەردەم.
زێدەتر گۆت: ژنێ نەدڤیا ژ زەلامێ خوە بھێتە بەردان، بەلێ ل دووڤ مادێ 40 یێ قانوونا بارێ کەسایەتی ھەڤژینا خوە بەردا وەکو مافەک بکارئینانا بەردانا تەعسفی کو مافێ خوە بکاردئینیت و زولمێ ل ھەڤژینا خوە دکەت و سەرا گۆتنا پەیڤا بەردانێ کوژمێ پێنج ملیونان دەتە ژنێ و مەزاختنێن پێنج سالا ژی دەتێ، زێدەباری مەزاختنا ھەر سێ زارۆیان ژی ب ستویێ وی ڤەنە، پارێزەری دا زانین ژی کو ئەگەرێ سەرەکی یێ جودابوونا ڤێ خێزانێ دایک و بابێن زەلامی بوون بەختێ ژنێ ژی ب رەشکر و دیسا زارۆ ژی ب بابێ خوە شاد نەبوون کو ھەموو پێکڤە د مالەکێ ڤە بژین، ئەڤە ل شوونا دایک و باب نەھێلن خێزان ژێکڤەبیت بوونە ھاندەر کورێ وان ھەڤژینا خوە بەردەت.
