ڤۆلی بۆلا سەنحاریب ئێکەم یانەیا ئیراقێ و کوردستانێ یە پشکداربووی
شاهۆ فەرید:
د دیدارەکێ دا د.هەکار برقی راهێنەرێ تیما ڤولی بۆلا سەنحاریب بۆ روژنامەیا ئەڤرۆ گۆت: پشکداریا تیمێ مە د قارەمانیا رۆژئاڤایێ ئاسیا سەربورەکا نوو یە بۆ من وەکۆ راهێنەر، هەروەسا ئێکەم جار ژی بۆ تیما کچێن یانەیا سەنحاریب پشکداریێ قارەمانیەکا دەرڤە دا دکەت.
هەروەسان ناڤهاتی گۆت: ئەڤە دیرۆکەکا زێرین بوون و یا باشبوو مە دەستڤە ئینا چونکۆ پتریا یانەیێن دیێن پشکدار یاریزانیێن پێشەکار ل سەر ئاستێ هەری باش و پیشەکار ئینابوون، لێ ئەم شیاین سوپرایزەکێ بۆ وانا ئامادە بکەین و رێزبەدیا پێنجێ ب دەستڤەبینین، قارەمانێن دەرڤە راهێنەری پتر هانددەت کۆ کاریێن باشتر بکەت و پیلانێن نوی بخوە بدانیت.
د. هەکار برقی گۆت ژی: سوپاسیا جەنابێ پارێزگاریێ دهۆکی د.عەلی تەتەری دکەم بۆ پالپشتیا وی و پێشوایا مە کری پشتی قارەمانیێ ڤە گەریاین، سەبارەت وێ قارەمانیا کۆ بڕیارە هەیڤا شوباتا سالا بهێت بهێتە ئەنجامدان، مە حەزا پشکداریێ نینە ژبەر کۆ قارەمانیەکە هەڤالینی دهێتە هەژمارتن نە یا باوەرپێ تایبەت ژلایێ ئێف ئای ڤی بی ڤە، دێ پتر کار کەین ل سەر تیمێ بۆ وەرزیێ نوو پاراستنا ناسناڤێ خولێ بکەن، سەبارەت یاریزانێن پێشەکار یێن ناڤا تیمێ هێشتا دیار نەبوویە کا دێ مینن یان دێ چن، لێ مە چەندین یاریزانێن باش بۆ ناڤ تیمێ دەستنیشانکرینە بشێن تیمێ پێ هێزتر بکەین.
ل دووماهیێ هەکاری گۆت: دو یانەیێن ئیراقێ گرێبەستێن باش پێشکێشی من کربوون لێ رازی نەبووم، ئەگەر ژی بۆ وێ چەندێ ڤەدگەریت ئەز ل یانەیا سەنحاریب یێ ئارامم، حەز ناکەم کەس مایێ خوە دکارێ من دا بکەت و یانەیا سەنحاریب ئەڤە ماوەیێ حەفت سالانە ل گەل وانا هەتا نوکە کارگێڕیێ مایێ خوە ل کارێ من نە کریە، بەردەوامی و مانا من بۆ وێ چەندێ دزڤریت کۆ ئەڤ یانە پتر گرنگیێ دەتە ڤان جورە یاریێن وەکۆ ڤولی بۆلی ئێکلایا دایی بەردەوامی بدەمێ.
بۆ زانین ل دەستپێکا کانوونا ئێکێ یا سالا ٢٠٢٥ێ تیما یانەیا سەنحاریب پشکداری د کۆپا رۆژئاڤا ئاسیا دا کربوو ئەوا ب پشکدارییا ١٢ یانەیێن کەنداڤی ل وەلاتێ کوێتێ هاتینە کرن، تیما سەنحاریب شیا پشتی پینچ سەرکەڤتن و خوسارەتیەکێ ڕێزا پێنجێ ل سەر ئاستێ گشتی یێ قارەمانیێ دهێت کو دهێتە هژمارتن بۆ جارا ئێکێ ل سەر ئاستێ ئیراقێ و کوردستانێ یانەیەک پشکداربیت و بگەهیتە ڤێ ڕێزێ.
