ڤیان مایی: سه‌مایا ژیانێ ده‌ربڕینێ ژ ئازارێن ئافره‌تێ دكه‌ت
ئه‌ڤرۆ، دلڤین ره‌شید:
سه‌مایا ژیانێ نووترین به‌رهه‌مێ ده‌رهێنه‌را كورد ڤیان مایی یه ل وه‌لاتێ ئه‌لمانیا به‌رهه‌م ئینایه، ده‌رهێنه‌را ناڤهاتی ده‌رباره‌ی فلمی دبێژت: من بزاڤا كری ب ڤی فلمێ بێَده‌نگی و ئێش و ئازارێن ئافره‌تان نیشان بده‌م.
ده‌رهێنه‌را كورد ڤیان مایی بۆ رۆژناما ئه‌ڤرۆ دیار كر كو فلمێ سه‌مایا ژیانێ به‌حسێ ژیان و ئازارێن ئافره‌تێ دكه‌ت، فلمه‌كێ بێده‌نگه بتنێ ب رێیا سه‌مایێ ده‌ربڕینێ ژ ئافره‌تێ دكه‌ت و گۆت: “سه‌مایا ژیانێ بابه‌ته‌كێ گرنگه و ب شێوه‌یه‌كێ نوو ب مۆزیك و سه‌مایێ ئه‌ڤ چیرۆكه دێ هێته نیشادان”.
ڤیانێ گۆت: ئه‌ڤ فلمه ل وه‌لاتێ ئه‌لمانیا هاتیه وێنه‌كرن، هه‌ر ئێك ژ ئه‌كته‌ران (شیرین قوره‌یشی) و (پاسار هه‌ركی) رۆل تێدا گێراینه، كاستێ به‌رهه‌مئینانا فلمی ژ چار پارچێن كوردستانێ پێكهاتینه.
