ڤیان و خۆشیا ژیانێ
ڤیان ئێكه ژ سالۆخهتێن خودێ، د گهلهك ئایهت وحهدیسان دا ئهڤ گۆتنه بهر چاڤێن مه دكهڤیت: (إن الله یحب..) هندى خودێ یه حهز ژ فلان كهسى یان فلان تشتى دكهت و تشتهك ئهگهر ژ سالۆخهتێن كهمالێ نهبیت خودێ بۆ خوه نادانیت. و كارێ ژ ههمیان خۆشتڤیتر ل بهر خودێ ڤیانه، ههروهكو ئهبو زهر دبێژیت: جارهكێ پێغهمبهر سلاڤ ل سهر بن هاته نك مه ڤه و گۆت: ((ئهرێ هوین دزانن كارێ ژ ههمیان خۆشتڤیتر ل نك خودێ چی یه؟)) ئێكی گۆت: نڤێژ و زهكاته، ئێكى گۆت: جیهاده، پێغهمبهری گۆت: ((إن أحب الأعمال إلى الله عز وجل الحب فی الله)) ڤیانا د ڕێكا خودێ دا بیت خۆشتڤیترین كاره ل نك خودێ، وبهرێ خوه بدهنێ (دققهتێ) د (تهعبیرێ)، نه گۆت: ڤیانا خودێ، یان ڤیانا بۆ خودێ، بێگومان بهرى ههر تشتهكى و پتر ژ ههر تشتهكى ڤیانا خودێ دئێت، مرۆڤێن مهزن حهژێكرنا تشتهكى د دلێن خوه دا ب سهر حهژێكرنا خودێ نائێخن.
و كانێ چاوا مرۆڤێن مهزن ڤیانا وان بۆ خودێ یه، ههر وهسا ڤیانا وان ژ بهر خودێ یه ژى، و ڤیانا وان بۆ وى تشتیه یێ خودێ دڤێت، و گاڤا ئهو گههشتنه ڤێ دهرهجێ تبیعهتێ وان وهلێ دئێت ئهو ب ڤیانێ تهعامولێ دگهل ههر تشتهكێ دكهن، چونكى مرۆڤێ مهزن ئهو كهسه یێ بۆ خهلكى دژیت پتر ژ كو بۆ خوه دژیت، ئهوه یێ دانا وى بۆ ژینێ پتر بیت ژ ستاندنێ، یان ل دهمێ دانێ ئێكجار بهرێ وى ل ستاندنێ نهبیت، چونكى مهزن ئهو كهسه یێ نهفسهكا وهسا ههبیت ب نزمى و كێماسیێ رازى نهبیت، و دلهكێ وهسا ههبیت كهرب و نهڤیانێ نهنیاسیت، دبێژن: جارهكێ مهسیح -سلاڤ لێ بن- د بهر مرۆڤهكى ڕا چوو، وى مرۆڤى هندهك ئاخفتنێن تژى كهربوكین وت ژى سهقهتى گۆتنێ، وى ب ڕهنگهكێ تژى ئهڤین بهرسڤا وى دا، گاڤا ئهو وێڤه چووى هندهك ههڤالێن وى ب گازنده ڤه گۆتێ: ئهو چاوا دگهل ته ئاخفت، و ته چاوا بهرسڤا وى دا.. عیساى -سلاڤ لێ بن- گۆته وان: ههر ئێك وى تشتى ددهت یێ ل نك وى ههى!
مهزنترین جزا -ل دونیایێ- خودێ ددهته ئهڤیندارێ خوه ئهوه ئهو (قهبوولێ) بۆ وى دكهته د دلێن خهلكێ عهردى دا، موسلم ژ ئهبوو هورهیرهى ڤهدگوهێزیت، دبێژت: پێغهمبهرى -سلاڤ لێ بن- گۆت: ئهگهر خودێ حهز ژ عهبدێ خوه كر، دبێژیته جبریلى: ئهز حهز ژ فلانى دكهم تو ژى حهز ژێ بكه.. ڤێجا جبریل ژى دێ حهز ژێ كهت، پاشى ل عهسمانى دێ ئێته گازیكرن: هندى خودێ یه حهز ژ فلانى دكهت، هوین ژى حهز ژێ بكهن، گۆت: پاشى قهبوول بۆ وى ل عهردى دێ ئێته دانان.
هوین چ دبێژن بۆ ژیانا وى مرۆڤى یێ خۆشیا دلێ خوه د عیبادهتێ خودایێ خوه دا دبینیت، قهنجیا وى ل سهر خوه دبینیت و پێ رازى دبیت، و قهدرا وى دگهل خوه بینیت و پێ تهنگاڤ نابیت، خۆشترین دهم ل بهر وى ئهوه گاڤا ههوار دكهتێ و دهمێ پرسیارا خودایێ وى ژێ دئێتهكرن ئهو دبێژیت: (الژی خلقنی فهو یهدین، والژی یگعمنی ویسقین، وإژا مرچت فهو یشفین، والژی یمیتنی پم یحیین، الژی أگمع أن یغفر لی خگیئتی یوم الدین) ئهڤهیه ئهو ڤیانا خلاس نهبیت و بێ دووماهیك، چونكى ل عهردى دئێته چاندن، و ل عهسمانى بهرى ژ خوه ددهتێ، ل دونیایێ دهست پێ دكهت، و ل ئاخرهتێ بهردهوام دمینیت، نهوهكى وان (ڤیانێن) بهرێ خودانێن وان ل بهرانبهرى، ئهگهر چ بهرانبهر ب دهست نهكهفتن ژ ڤیانا خوه پهشێمان دبن.
