ڤیا پهكهكه ئاوریهكێ د خوه دا بكهت، پاشێ دانپێدانا شاشیان بكهت
دیاره ل گۆر دیتن و تێگههین زانستى سیاسهتكرن گههشتنا ئارمانج و دهستههلاتى یه، ههروهسا رێیا گههشتنا ماف و داخوازین نهتهوه و گهلێن بندهسته و ژ بهرهندى كار و بزاڤێن ههر ئالیهكێ ڤهوژاتن و خۆشكرنا پهیوهندیێن پێگههشتنێ نه ل گهل وى خهلكى كو خهبات و خزمهتێ بۆ دكهت ههتا كو بگههیته وێ ئارمانجا ههیه، ئهكید ههر سیاسهتهكێ لێڤهگهراخوه ههیه ژبۆ رێكخستن و پهرهپیدانا وێ و رهنگه د ههر سیاسهتهكێ دا جارا گهلهك ئالێن سیاسى بكهڤنه شكهست و شاشین نهچاڤهركرى بهلێ ئهوا پێدڤى ئهوه بێته زانین كو ئهڤ سیاسهت یا بهر ب هندهك رێكێن گرتى ڤهدچیت داكو ل خوه بزڤریت ههروهسا كار ل سهر راستڤهكرنا وان شاشێن ههین بكهت چونكو ههر هێزهكا سیاسى راسته خوه دكهڤیته د وان عهینێن خهلك و كۆمهلگههان تێدا ل سهر وان گاڤ و سهرهدهرێن نهخوازیار دئێنه ئاڤێتن، لهوا ئهڤ بیرۆكه یێن هه دكهڤنه د وان بازنێن گورنگارێَ دا ژ بهر هندێ دڤێت ئهڤ سیاسهتێن هه جاران ههلسهنگاندنێن خوه بكهت و بزانن باش و خرابیێن وان چاوا دئێنه وهرگرتن ل بهرامبهرى وى مللهتێ وان چونكو ههر سیاسهتهك ب دیرۆك و قوربانیدانا خوه دا چیته پێش و حهزا خهلكێ بۆ لایێ خوه دكێشن و ل گهل ڤێ ژى بهێنه زانین ڤێ سیاسهتا هه چ سهركهفتن و پێشڤهچوون بدهستڤهئینانه ئانكو ههتا چ راده خهلكێ وێ كۆمهلگهها گریداى ڤێ ئایدلۆژیا هه ژى رازیبه و ل ڤێرێ دا كو ژ بابهتى ڤارێ نهبیت كو مهبهستامه ژ ناڤهرۆكێ ئهڤهیه ل سهر وێ سیاسهتا ئهڤرۆ پهكهكه دهته هاژۆتن و پهیرهوكرن و دیاره وهسا خوهیا دكهت پهكهكێ ههست ب هندێ نهكریه یا ل وان رێیێن ڤارى دچیت چونكو سیاسهت بۆ خهلكێ ژێردهست ئێته كرن ههكه ئهڤ خهلكێ ل دوراوێ نهرازی بیت دڤێت هزرهكا دى ههبیت ژ بهر كو دیار دكهت پهكهكه خوه تنى دروست و ب هێز دبینت و ل گهل ڤێ ژى چو پویتهى ب ههبوونا بزاڤ و ئالێن سیاسێ ل بهرامبهرى خوه ناكهت ژ بهر كو خوه ل وێ گوپیتگا هێز و زالبوونێ ل سهر گشت هێز و بزاڤهكا سیاسى دبینن و راستیا ڤێ پهكهكه یا د ناڤا شاشیێن بهرچاڤ دا دژیت، رهنگه خوه تێنهگههینیت كو ئهڤرۆ كاروانێ خهبات و بهرخودانێ پێدڤى گاڤ و گورنگارین بهرچاڤه كو ل دووڤ ڤى سهردهمى بچیت دا كو بشێن وى سهرنجا خهلكهكێ بۆ لایێ خوه رابكێشیت ژ بهر كو ئهڤ سیاسهتا پهكهكێ ئهكید خزمهتا گهل و مللهتى وان ناكهت چونكو خهلكهك ل سهر ئاوروسهرهدهرێن وان بیزار بوویه، لهوا دڤێت پهكهكه خوه هشیار بكهت و بزانیت شاشى و گازندێ ل سهر ههنه چینه و پاشێ پێداچوونهكێ ل وێ سیاسهتا خوه یا بۆرى بكهن، چونكو ئهڤ سهردهمێ ئهم تێدا زمانێ شهر و دوژمناهێ نا خوازیت، رهنگه بهروڤاژى ئهڤه بهێته وهرگرتن چونكو ئهڤرۆ دنیا وهكو گوندهكێ بچیك دئێته دیتن و ههر پێش هات و وێرانهك راستهوخوه دێنه دیاركرن ل گۆر ئهو دوژمناهیێن دئێنه كرن، بێگومان ئهو سیاسهتا نیازێن تاك رهوى ههبن ئهكید باج و زیانێن مهزن ددهن و رهنگه بۆ نهچیته سهرى ژ بهر كو جیهان ئهڤرۆ د گورانگاریان دا دبۆریت و ههلبهت نووكرنێن پێشچاڤ بریڤهنه، دیاره كار ل سهر مرۆڤاتى و دیمۆكراسیێ و وهك ڤێ دئێتهكرن، لهوا دئێته خواستنێ چى ئالیهكێ سیاسى بیت ل گۆر جیهانگیریا ئهڤرۆ برێڤهبچیت و بێته گوهۆرین داكو بشێت سهركهفتن و ئارمانجێن ههین بدهستڤه بینن لهوا دڤیت وێ راستى بێژین كو پهكهكه هێزهكا چهكدار و كاریگهریا خوه ل كوردستانا باكۆر ههیه و ئهكید خوه وهكو نوونهرى راستهقینێ خهلكێ كوردستانا تركیا دزانن، بهلێ ئهوا جهێ رهخنه و گازندێ ئهودهلێڤه نهدا یه وان ئالێن دیێ كوردستانا تركیا كو ههل و پالدهیێ د گهل دا بكهن و چو ناهێته قهبوولكرن لایهك پالپشتیا خواست و مافێ گهلێ كورد بكهت بۆ هندێ ئهڤ هێزێن سیاسى ژى ببن ههڤپشكێ چارهسهریا كێشهیا كوردى ئانكو وهكو بهرنگارێ تركیا بهێنه ناسین و دڤیت ههربزاڤهكا ههبیت ل بن وێ چادرا وان دا خزمهتێ بكهت یان ناهین قهبوولكرن ب ناڤێ نوونهریا كوردان باخڤن و ههر وهسا ئهو باوهرى ب پرهنسیپێن دیمۆكراسى و تێگههشتنێن ههڤپشك نینه و پتر ئاورو دیتنێن وان بۆ مهركهزیهتێ دچن و رهنگه ئهو ژى نههێنه ڤهشارتن قهبوول ناكهن كهس ب كهیفاخو گۆتوبێژان ل سهر پرسا كوردى بكهت چونكو خوه ب تنێ دبینن رێبهر و سهركیشێ بزاڤا كوردى و ئهكید ههر لایهكێ نه ل دووڤ ئاراسته و سیاسهتا وان كار بكهت ئێكسهر دێ كهڤیت خالا گونههباریێ دا ژ بهر هندێ دووراتیهك ههیه ل ناڤبهرا وان تهڤایا هێزین دیێ سیاسى و دیاربوو و ئهڤ سیاسهته ب عهقلهكێ تاكرهوى كاردكهت و خوه تنێ ل گۆرهپانا سیاسهتا تركیا دبینیت و ههكه دیتن لڤینهكا دى ههیه ئهكید ئاورێ مهترسیێ دێ بۆچن و ژ لایهكێ دیڤه ههكه بچین وان بهرپهرێن دیرۆك دورستبوونا پهكهكێ ههتاكو ئهڤرر چ دهسكهڤت و پێشكهتنهك بۆ خهلكێ كوردستانێ بدهستڤهئینانه چونكو ئهڤه پترى (32) ساله پهكهكه یا شهڕێ چهكدارى ل گهل رژێما تركیا دكهت ههتا ئهڤرۆ بهردهوام نهشیایه گوند و دهڤهرهكێ بۆ خهلكێ كوردستانا تركیا رزگار بكهت بۆ هندێ تێدا ئازادیا خوه دبینن دا كو بزاڤ و چالاكیێن خوه یێن سیاسى و شۆرهشگێرى تێدا بكهت بۆ هندێ خهلك پتر ل دۆر ئالاێ وان كۆمڤه ببن، بهلێ ڤیا بۆخوه وان راستیان بێژن ئهڤا هه دهرئهنجامێ وێ سیاسهتا شاش و خۆسهپاندنا وان برێڤه دبن و ل گهل وێ ژى خۆنهگونجان د و ڤارێكرنا ئالێن كوردى كارتێكرنا خوه ل سهر دیتن و سیاسهتا وان كریه، لهوا ئهڤرۆ بۆ رێكێن گرت دچن، چونكو نهشیانه بهلانسا ناڤخوهى و دهڤهرێ راگرن دا كو ئهو پهیاما ئێكگرتیا گهلێ كورد بگههینت، ههروهسا دهست ژ وێ سیاسهتا ترس و سهپاندنێ بهردن و رێیا راستیا كوردایهتى ب ههڤكاریا ئالیێن ههڤپشك بگرن و خوه دووربێخین ژ گڤاشتن و نهپویته دانا هێزێن سیاسێ كورد و پاشێ نه كهڤنه دهستێوهردانێن راسته خوه بۆ ڤان پارچێن دێ كوردستانێ بۆ هندێ نهبیته جهێ دلگرانیێ، چونكو ئهڤرۆ زمانێ ههرشه و زۆرداریێ ناخۆت، ههروهسا ئهوسهرهدهریێن ل گهل خهلكهكێ دى پێدڤى گوهۆرینێ نه ب هندێ خهلكهك ژێ نهرهڤیت چونكو ئیرۆ ل گهلهك جیه و دهڤهران بوونه كێشه بۆ خهلكهكێ و ڤیا بهروڤاژى براتى و پێكڤهژیانى پهیدا بكهن داكو خهلهك ژێ رازی بیت و ژ ئالیهكێ دیڤه ئهو زمانێ خۆشكرنا پهیوهندیان بكارنهئینا یه ل گهل ههر هێزهكا سیاسى، چونكو ههردهم خوه ب هێزهكا مهزن دایه ناسكرن و بیر ل وێ چهندێ نهكریه چو كێشه ب ههڤڕكى و ململانێ چاره نابن دا كو بهس بیت شهڕ و خوینرشتنا ناڤخوهى بۆ هندێ ماف و بهرژهوهندیا گهل و مللهتێ كورد ل بهرچاڤ بهێنه وهرگرتن و راستیا فێ گهلهك دهلیڤهێن زێرێن ل بهر كێشهیا كوردى ل تركیا هاتن ڤهكرن بهلێ وێ نه ئێكگرتن و نهپویتهدان ب خواستێن گهلێ كورد و وهكو وێ پیڤاژۆیا ئاشتى ل ناڤبهرا هێزێن كوردى و پهكهكێ و ئالێن دهستههلاتداریا تركیا بۆ هندێ ئهو دوژمناهى و دوبهركیا كهڤن ب رێكین دانوستاندنێن ل سهر مێزان ئهڤ پرسا كوردى ئێكلا بیت و ب ئاوایهكێ ڤهكرى و تیگههشتنێ چارهسهر بكهن ئهكید ههتا رادهكێ ڤێ پرۆسا ئاشتى باندۆرا خوهكر و بوویه جهێ دلخۆشیا ههمى خهلكێ كوردستانێ و بێگومان ئارمى و زیانهكا باش بهرپابى و ل گهل ڤێ ژى ئالیێن پیشتهڤان و خێرخوازێ ژى پالپشتیا وێ كر بۆ هندێ ئهڤ كێشهیا كوردى بتێگههیت وى كهنارێ هێڤێن گهلێ كورد چاڤهرێ دكرن و دیاربوو زهمینه و ئازادى بهرقرار بوو، لهوا بوویه جهێ دلخۆشیا ههمى لایهكى ژبهر كو هاته دیتن باشهرۆژهكا گهش ههیه كو ئێدى گرتن و كوشتن و برسایهتى دوباره نابنهڤه و دێ لاپهرهكێ دیێ ژیانێ دهستپێكهت و ههمى داخوازێن ڤى مللهتى مسۆگهربن و یا هه ژى گۆتنێ ئهم بێژین بۆ ڤێ چهندێ سهرۆك بارزانى هاته سهر خهتى و ههول و ماندیبوونا سهرۆك بارزانى و راستیا وێ سهنگ و رۆلێ وى بۆ چارهسهریێ ل گهل ههردوئالیان خوهیا بوو، چونكو ب ههمى شیانێن خوه كار ل سهر پێڤاژۆیا ئاشتیكرن كو كێشهیا كوردى ل تركیا چارهسهر بكهت لهوا هند ل سهر راوهستا وهكو ئهركهكێ نهتهواتى و نشتیمانپهروهریێ ل سهر ملێ خوهدایه زانین و بهردهوام كار بۆ دكر كو ههر دو لابگههن رێكهفتنهكێ دا كو ئهو كهربوكینا ههى نهمینت، بهلێ وهسا دیاربوو ههردو ئالیا نیازێن خێرێ نهبوون بیر ل وێ چهندێ بكهن كوكار نهگههیته وێ ئێكێ ئهڤ رهوشا ئیرۆ هاتیه پێش پهیدا ببیت، چونكو بێهنا خوه فرێهكر كو بزانن دانوستاندن باشترن ژ شهر و خوینبارینا ئهڤرۆ چونكو یا دیاره پرسا كوردى ئهڤه سهد ساله ل ژێر زۆرداریهكا بێوێنه دایه بهلێ دڤیا چهندهكێ دى ژى خوه ل هیڤیا هندێ گرتبان كو ههردولا كههشتبان ریگه چارهیهكێ، لێ نههێلا پێڤاژۆیا ئاشتى جهێ خوه بگریت و بچیت سهر و ل گهل ڤێ ژى ههلبژارتنێن پهرلهمانێ تركیا و سهركهفتنا ئالێ كوردى و بدهستڤهئینانا (80) كورسیێن پهرلهمانێ تركیا كارتێكرنا خوه ل سهر ڤێ پێڤاژۆیا ئاشتى كر لهوا رهنگه گۆرورهتهك بووێ ئالیێن كوردى پهیدابوون و پاش كێشێ ژ پێڤاژۆیا ئاشتیكرن و دیاربوون ژ وان سنۆرێن سیاسێ ههڤپشك دهركهفتن و بێگومان ب شێوهكێ دى چوونه گۆرهپانا تركیا و كهتنه ههڤڕكیێ و چو ئهو نههاته زانین ئهڤه دهلیڤهكا باشه بۆ گهلێ كورد سیاسهتهكا نهرم بكاربینن كو بشێن براتیا كورد و تركیا پهیدا بكهن دا كو ههبوون داخوازێن ڤى مللهتى بگههن ژ بهر ڤێ ئێكێ سهر و بهرتهمام هاتن گۆرین لهوا شهر و نهخۆشى سهر و سیماى تركیا گرتن، ههروهسا ئهڤا دى ژى نههاته كرن بریارا كوردى بكهن ئیك دا كو كار نهگههیته ڤى ئاستێ ئهڤرۆ دئێته دیتن چونكو كار و دیتن ل دووڤ ئاراسهین پهكهكێ برێڤهچوون و ئهكید خوه ل هندێ نهكر خودان ب ئاوایهكێ دى كو گاڤێن نێزیكبوونێ پهیدا بكهن داكو ئهڤا هاتیه پێش پهیدا نهببا و ژ رهخهكێ دیڤه ڤیا دهستههلاتدارێن تركیا گاڤێن نۆرمال ئاڤیتنان بۆ چارهسهریا كێشهیا كوردى، لێ بهروڤاژى ئهڤا هه هاته گوهۆرین و كهفتنه چهپهرێن دژایهتى و هێشتا شهر و ههرشه ل سهر گهلێ كورد بهردهوام ئهكید ڤێ چهندێ زیان گههانده گهلێ كورد ههلبهت رۆژ بۆ رۆژى ئهڤ خوینرشتنه زێدهبوون و پتریا باژیر و گوندێن كوردستانێ بوونه ئارمانج و كهتنه ل بهر دلۆڤانیا زۆرداریا سهربازێن تركیا و دیاره ڤێ چهندێَ كاڤل كارى و بهرزهكرن و دهربهدهرى ل پاش خوه هێلایه و ههر وهسا دڤێت ئهڤه ژى بهێته زانین ئهڤرۆ تهڤایا شارهدار و مهزنه بهرپرسێ حزبێ و ل گهل كۆمهكا پهرلهمانتارێ كورد كهتنه بهرگرتن و دوورئێخین و نههیلایێ لهوا دئێته گۆتن خودانێ ڤى سیاسهتێ چ سهركهفتن و ئۆمێد بهخشهك گههاندیه خهلكێ كوردستانا باكۆر ژ بهر كو گشت هێزێن سیاسى ل تركیا ژ وێ سهرهدهریێ و تێكهلیێن پهكهكێ نهرازینه چونكو زیانێن بێ وێنه گههشتینه خهلكهكێ ژ بهر كو ڤێ ئێكێ دڤیا ئهڤا هه نههاتبا كرن چونكو بهرژهوهندى و پاراستیا ڤى مللهتى گرنگتره ژ خهبات و ڤیانا حزبى و راستیا وێ ئیرۆ رۆژانه دئێته دیتن گرتن و كوشتنا گهلێ كورد ههیه و بهردهوامه ژ لایێ دهسههلاتا تركیا ڤه و دیاره ئهڤا ئیرۆ هاتیه پێش ئهگهر و دهرئهنچامێ وێ سیاسهتا تنێ ژ لایێ پهكهكێ ڤه بكار دهێت، چونكو نههیلا ئهو پرسا ئاشتى رێكا خوهیا درست بگریت و ل گهل ڤێ ژى نههێلا ئهو ئالیێن دیێ كورد پالپشتى و ههڤالبهندیێ ل سهر وێ پیڤاژۆیا ئاشتیێ بكهن ژ بهر ڤێ كار گههشته وێ چهندێ ئهڤ دیمهنێن ئهڤرۆ سهروسیمایێ كوردستانا تركیا ڤهگرتین بهێنه پیش چونكو خهلكهك چاڤهرێ نێزیكبوونهكێ بۆ پهیدا بیت و رهنگه ئهڤ شهر و مهترسیا ئهڤرۆ هاتیه پێش پهیدا نهببا راستیا وى د وان سالێن پیڤاژۆیا ئاشتى ههى ئیمناهیهكا باش بهرقرارببوو و ل بهر هندێ دێ چارهكا دى بێژین یا فهر ئهڤهیه، پهكهكه پێداچوونهكا باش ل وێ سیاسهتا ههى بكهن و ژ لایهكێ دیڤه ههر گاڤ و دیتنهك ب راوێژ و پسیار بهێتهكرن ل گهل دلسۆز و خهمخوارێن دیێ كوردینێ بهێنه سهرخهتى درست پێكڤه كاروانێ خهباتا گهلێ كورد بكهن و خوه دوورى وێ ململانێ دژاتیا ههیه بكهن كار ل سهر كێشه و ناكۆكیێن ناڤخوهى دهرڤه و بكهن بۆ بهر ب خۆشكرنا پهیوهندیێن خوه ل گهل ههمى ئالیهكێ و ئهوا پێدڤی بۆ ماف و داخوازێن ڤى مللهتى گاڤین پراكتیك پاڤێژن و بهرپهرهكێ دێ ل گهل ههرئالێهكى ڤه كهن و دانپێدانێ ب وان شاشیێن بۆرى بكهن و رێیا دروست ئازادى و ئارمانجێن ڤى مللهتى بگرن بهر و مسۆگهر بكهت.
