ڤیتامینێن گرنگ چاوا و ژ كیڤه دێ وه‌رگری؟
له‌شێ مرۆڤی ھەوجه‌ی 13 ڤیتامینێن گرنگه، ب تیپێن ئه‌لیفبێتكا ئنگلیزی ھاتینه ناڤكرن؛ ئه‌ی، سی، دی، ئی، كه‌ی و كۆما بی؛ بی1 و 2 و 3 و 5 و 6 و 7 و 9 و 12.. ب خوارنا ئه‌ڤان زادان، له‌شێ مرۆڤی ڤیتامینێن پێدڤی وه‌ردگرت:
- بزاڤێ بكه، ل ئێك دانی، خوارنێن جوداجودا بخوه: كه‌سكاتیێ و گیایێن زەركری و كه‌لێكان.
- خوارنێن زەنگین ب ڤیتامین سی دگه‌ل خوارنێن زەنگین ب ئاسنی پێكڤه بخوه: نیمۆك و پرته‌قال و پیبه‌ر و قه‌ڕنابیتێ دگه‌ل دان و كه‌لیكان یان گۆشتێ سۆر.
- بلا روون و به‌زێ ساخله‌م دگه‌ل زادی بن: كاكل، تۆڤك و ئه‌ڤۆكاتۆ بۆ ھاریكاریا مێژتنا نۆشنده‌یان.
- زادێن زەنگین ب پرۆبیۆتیكان بخوه: كه‌فیر (شیرێ ب ده‌ندكێن كه‌فیرێ مه‌یاندی) و ساوێركراوت (كه‌له‌میا ترشكری) یان كۆمبۆچا (چایا مه‌یاندی). زادێن كورده‌واری، وه‌كی ماستی و ژاژی.. پێگوھۆڕكێن باشن.
- ھندی بشێی چایێ یان قه‌هوه‌یێ دگه‌ل زادی ڤه‌نه‌خوه: دبت كارلێكرنێ بكه‌ن و نه‌هێلن له‌ش ماده‌ن و ڤیتامینێن پێدڤی بمێژت.
