ڤیزه نه‌ما و پاسپۆرتا ئیراقی دێ بیته ئه‌لكترۆنی
ئه‌ڤرۆ:
وه‌زاره‌تا ناڤخوه یا ئیراقێ راگه‌هاند، ل دووڤ وێ پلانا هاتیه دانان، ل سالا 2022 ب كارئینانا پاسپۆرتا ئاسایی دێ ب دووماهی هێت و كار ب پاسپۆرتا ئه‌لیكترۆنی دێ ده‌ست پێكه‌ت.
خالد مه‌حنا، په‌یڤدارێ وه‌زاره‌تا ناڤخوه یا ئیراقێ دوهی 12/9/2021 راگه‌هاند، پرۆژێ تایبه‌ت ب گوهۆڕینا پاسپۆرتا ئیراقی بۆ پاسپۆرتا ئه‌لیكترۆنی د نوكه دا كار تێدا دهێته كرن و دێ ڤیزا تایبه‌ت ژی ب خوه‌ڤه هه‌بیت.
ل دووڤ پێزانینان؛ ل سالا 2023 هه‌موو وه‌لاتێن جیهانێ پاسپۆرتێن خوه دێ كه‌نه ئه‌لكترۆنی.
دیسا ژ لایه‌كێ دیڤه، د كۆنگره‌كێ رۆژنامه‌ڤانی یێ د ناڤبه‌را ئیبراهیم ره‌ئیسی، سه‌رۆك كۆمارێ ئیرانێ و مسته‌فا كازمی، سه‌رۆك وه‌زیرێن ئیراقێ دا ل ته‌هرانێ، ڤیزا د ناڤبه‌را ئیران و ئیراقێ دا هاته راكرن.
