ڤینەك دژوار
بەشیرا دەروێش / قامشلۆ
ل سەر باسكێن بالندەیان
ماچ دفڕین
ئەورێن نیسانێ
بوهارا دل خوەش دكە
پەشكێن ل ڤر
یێن دن وێدە تر
و هن ل ور
هەر دەڤەر
كەسەك د بە
كولیلكێ ئەڤینەكی وندابوویی
ب مەلۆلی د بشكڤن
د ڕێكا نەڤەگەڕێ دە
ئاور شاش دبن
نیگا ژی بەر ب ڕۆژئاڤا دە
تووركێ خوە دادوەشینە
چ دووربوونەك پێ گران
نایێ هلگرتن
ئەز ژ تە تێر نەبووم
ما نە زوو بوو؟
پەنجەرێ چاڤێن نەیاران
ل من و تە ڤەبوون
دەست ئاڤێتن
كەزیێن نە هووناندی
نیڤ جۆ ما بوون
ئەی ئەڤین
چ قاسی تو خوەشی
ئەوقاس ب ئێشی
خەونان ژ چاڤان
د ڕەڤینی
ب تك تكا دل ڕە
دل د ئێشینە
و ل سەر سێلەكی سۆركری
چەپ و ڕاست
مرۆڤ ل هەڤ دزڤڕینە
د قوولپینە
نە دلێ مرۆڤ هێنك دكە
و نەژی د پژینە
تەنێ لاش د شەواتێ دە
د چق چقینە
و ل بەر سەروایا بەرێ سبێ دە
دەست و لاپەڕۆشێكن گورا
د پێسێرا مەرۆڤ دە
د چكینە
ئەی ئەڤین.
