ڤی یاریکەری دڤێت بهێتە ریال مەدرید
ئەڤرۆ نیۆز،زنار تۆڤی:
رۆژنامه‌کا ئیسپانی ئاشكراکریە کو یاریکەرەکێ ستێر ته‌له‌فۆن بۆ زه‌ینه‌دین زیدانێ راهێنه‌رێ یانا ریال مه‌درید كریە و داخواز ژێ کریە کو ببەتە ناڤ رێزێن یانا شاهانە.
ل دووڤ نووچەیەکێ دۆن بالۆن یا ئیسپانی،پیێر ئۆبامیانگێ ستێرا گابۆنی و یانا بۆروسیا دۆرتموند یا ئه‌لمانی، هێشتا یێ رژدە ل سه‌ر بجه هێلانا رێزێن یانا ئه‌لمانی و ژ پێخەمەت هندێ داکو په‌یوه‌ندیێ ب یانه‌کا مەزنا ئورۆپا بکەت.
وێ رۆژنامێ گۆتیە،ئۆبامیانگی ب ته‌له‌فۆنێ په‌یوه‌ندی ب زیدانی كریە و داخواز ژێکریە کو وی ببەتە ناڤ رێزێن یانا ریال مه‌درید.
هەروەسا ئەو رۆژناما ئیسپانی دبێژیت ژی:دبیت پشتی وێ تەلەفۆنێ زیدان هه‌ول بدەت،د وان چه‌ند رۆژێن ژ میركاتۆیێ ماین كار بۆ ڤەگوهاستنا ئۆبامیانگی بۆ ناڤ رێزێن یانا ریال مه‌درید بكەت.