ڤێنێسیۆس: دژاتیا ره‌كه‌زپه‌رستیێ بێ زاركریمه
ئه‌ڤرۆ،
ستێرێ به‌رازیلی و یانه‌یا ریال مه‌درید یا ئسپانی تۆره‌بوونا خوه ل سه‌ر ئه‌وان گۆتنێن ره‌كه‌زپه‌رستیێ یێن هنده‌ك ژ جه‌ماوه‌ریێن یانه‌یێن ئسپانیا دژی وی دیاركریه و داخواز ژ ده‌ستكه‌كا خولا ئسپانی كر سنۆره‌كی بوو بدانن.
د دیدارا رۆژناما دیپۆرتیڤۆ یا ئسپانی دا ڤێنێسیۆس جۆنیرۆ دیاركر ئه‌و دژاتیا به‌رده‌وام یا جه‌ماوه‌رێن چه‌ند یانه‌یێن وه‌رزشی دژی وی د ناڤ یاریگه‌هێ دا بێ زاركریه و داخواز ژ ده‌ستكه‌كا خولا ئسپانیا كریه ب تۆندی ل سه‌ر ئه‌ڤان ره‌فتارێن ره‌كه‌زپه‌رستیێ ب راوه‌ستیێن و دوور نابینت هه‌كه چو پێنگاڤ نه هێنه هاڤێتن ئه‌و گرێبه‌ستا خوه ل گه‌ل ریال مه‌دریدێ ب هه‌لوه‌شینیت.
ژلایه‌كێ دووڤه رۆژناما ماركا دیاركر ده‌سته‌كا خولا ئسپانیا ب رژدی ل سه‌ر ڤی بابه‌تی دۆڤچوونێ دكه‌ت و هه‌موو به‌لگه‌یێن گرێدایی ب دژاتیا ره‌كه‌زپه‌رستیێ بۆ دادگه‌ها تایبه‌تمه‌ند یا كێشه‌یێن وه‌رزشی و دێ زووترین ده‌م ڤه‌گۆلین و بڕیار هێنه دان.
