ڤێنێنسیۆس دێ ریالێ بجهـ هێلیت!
راپۆرتنێن رۆژنامەڤانی ل ئۆرۆپا دەنگۆیەكێ سەرنجراكێش بۆ خواندەڤانێن خوە بلاڤكرییە تێدا بەحس كرییە دبیت یێ بەرازیلی ڤێنێسیۆس جونیۆر هەتا ڤەگۆهاستنێن زڤستانا ئەڤ سالە یان ژی هاڤینا بهێت نە مینتە دگەل یانەیا ریال مەدرید یا ئسپانی، ئەڤچەندە ژی ژبەر دو ئەگەران.
ل دووڤ راپۆرتا ماركا یا ئسپانی ڤێنێسیۆسی داخواز ژ بەرپرسێن وەرزشی یێن یانەیا ریال مەدرید كرییە بۆ دۆبارە گەنگەشە ل سەر هندەك خالێن وەرزشی و ئابۆری ئەڤ داخوازییە بوویە جهێ سەرنجراكێشێ و كارگێرییا یانەیێ دێ كۆمبوونەكا بلەز ئەنجامدەت، ژبەركو هێشتا گرێبەستا وی هەتا هاڤینا 2027ێ یە، ئەو داخوازییا وی هندەك دەرگەهێن دی ڤە كرینە.
ژلایێ خوەڤە رۆژنامەیا لكیپ یا فرەنسی ژی هەمان بوویەر دا دیاركر لێ ئەگەرێن ڤێ داخازیێ ب دو خالان دا دیار كرن ئێك ژ وان پشتی ژ دەستدانا ناسناڤێ باشترین یاریزانێ جیهانێ یێ فرانس فوتبۆلێ بۆ سالا 2024ێ، یا دویێ ژبەر هەبوونا دژاتیكرنا وی ژلایێ هندەك ژ پشتەڤانێن چەند یانەیان كو ڕەكەز پەرسیێ دایە دیاركرن و ئەڤچەندە ژی كونترۆلا خوە یا هەست و ئاستێ خوە ژ دەستدەت.
ل دووڤ راپۆرتا سپۆرت یا ئیتالی ئەوچەند ئەو چەندە دیار كرییە پشتی بەلاڤبوونا دەنگۆیێ هەبوونا ناكۆكی و بهێنتەنگییا ڤێنێسیۆسی ل خولا ئسپانییا، هەردو یانەیێن پاریس سانجێرمان یا فرەنسی و چێلسی یا ئنگلتەرایێ ب گەرمی پێشوازییا ڤێنێسیۆسی دكەن و هەر كۆژمەیێ ئەو داخواز بكەت دێ بۆ بەرهەڤبكەن، د بەرانبەر ژی دا هێشتا یانەیا هیلال یا سعۆدیێ دناڤ بەریكانا گرێبەستا هەڤبەستا وی دا مایە و رازییە ئێك ملیار یۆرۆیان یا بەندێ جەزائی پێشكێشی یانەیا ریال مەدرید بكەت.
بەشەك ژ رۆژنامەڤانێن ل ئۆرۆپا چوونا ڤێنێسیۆس جۆنیۆری بۆ یانەیەكا دی د وەرزێ ئەڤ سالە دا ب زەحمەت دبینن لێ دوور نابینن هەكە ئاریشەیا وی یا ڕەكەزپەرسیێ مەزنتر لێهات ئەو دگەل یانەیا ریال مەدرید بگەهنە ڕێكەفتنەكا نە چاڤەڕێ كری دا.
