ڤێ مههێ سێ هزار زێرهڤانێن سنووری دێ هێنه دامهزراندن
ههولێر، قائید میرۆ:
بڕیاره ڤێ مههێ سێ هزار كهس ل ههرێما كوردستانێ وهكو زێرهڤانێن سنووری بهێنه دامهزراندن و پهیڤدارێ زێرهڤانێن سنووری ژی ئاشكرا كر، چهندین رێنمایی بۆ وهرگرتنا زێرهڤانێن سنووری ژ لایێ وهزارهتا ناڤخوه یا ئیراقێ هاتینه دیاركرن و ل گورهی رێنمایان دێ هێنه وهرگرتن.
عهقید كاروان خۆشناو، پهیڤدارێ هێزێن زێرهڤانێن سنووری بۆ رۆژناما ئهڤرۆ دیار كر، ب فهرمانا وهزارهتا ناڤخوه یا ئیراقێ بڕیاره ڤێ مههێ پرۆسا دامهزراندنا سێ هزار كهسان ل ههرێما كوردستانێ وهكو زێرهڤانێن سنووری بچیته د بیاڤێ بجهئینانێ دا و گۆت: “ب رێیا لینكهكی كهسێن مهرج ل نك ههبن دشێن داخوازیێن خوه پێشكێش بكهن ب مهرهما دامهزراندنێ وهكو زێرهڤانێن سنووری، چهندین رێنمایی ژ بۆ وهرگرتنا زێرهڤانێن سنووری ههنه”.
عهقید كاروان خۆشناو گۆتژی: “ڤێ مههێ فۆڕم ب رێیا ئهلكترۆنی دێ هێنه بهلاڤكرن و ههر گهنجهكێ خهلكێ ههرێما كوردستانێ بخوازیت ببیته زێرهڤانێ سنووری ماف ههیه تژی بكهت، دهواما وان ژی دێ ل سهر سنوورێن ههرێما كوردستانێ بیت د چارچوڤێ هێزێن زێرهڤانێن سنووری دا ئهركێ وان دێ هێته دیاركرن”.
