ڤێ جارێ ژى پارتى لۆغمێن سیاسى ههلاندن
خۆرشید یوسف بانى
ئهڤ جاره ژى وهكو ههموو جارێن دیتر پارتى شیان ههبوون ب زیرهكانه و ب وێرهكى ههموو وان لوغمێن سیاسى ههلگریت ئهوێن كو دهولهتا فهقى و وهكیلێن وێ ل كوردستانێ د رێیا ههلبژارتنێن پهرلهمانێ كوردستانێ دا ڤهداین, دا كو رێگریێ ل ئهنجامدانا ههلبژارتنان بگرن. ژ بهر ڤان دو ئهگهران دهولهتا فهقى نهڤیا ههلبژارتن ل كوردستانێ بهێنهكرن: 1ـ ههتا حوكمهتا بهغدا بهێته پێكئینان، ئهو حوكمهتا ئیرانێ دڤێت و پاشى جهێ وهكیلێن خوه ئهوێن ب ناڤ كورد د ناڤا وێ حوكمهتێ دا خۆش بكهت و دیسا ههر ب رێیا وان ئهو پیلان و بهرنامێ دانا بۆ ژ ناڤبرنا دیمۆكراسیهتێ ل كوردستانێ جێبهجێبكهت. 2ـ ژ لایهكی ڤه ئارامى و ئاسایش و خۆشگوزهرانیهكا باش یا ل كوردستانێ بهرقهراره و ژ لایهكێ دی ڤه ئیران یا هاربووى دڤێت ههر چ قهیران و شهر و ئاگرێ ل وهلاتێ وان ههیى ڤهگوهێزنه كوردستانێ و ل گهل وهكیلێن خوه لوغمێن سیاسى بۆ ههلبژارتنان دابنیت, لێ نهشیان ئیرادا نیشتمانپهروهران ژ بریادانا ههلبژارتنان پاشگهزبكهن. لهورا ژ دلسۆتنیا خوه بارهگایێن ههردو پارتێن كوردستانا رۆژههلات (حدكا و حدك) د ناڤا سنۆرێ ئاخا ههرێما كوردستانێ دا مۆشهكبارانكرن. ئیران ههڤكێشا دهڤهرێ باش دخونیت، لهوما یا خوه بهرههڤ دكهت بۆ قهیرانێن مهزنتر و درێژخایهن، راسته ئیران وهلاتهكێ مهزنه و نیڤكێشوهرهكه و ژمارا خهلكێ وێ ژى نێزیكى (83) ملیۆنانه، لێ زۆربهیا خهلكێ وێ ل باژێران دژیت
و فێرى برسێ نهبووینه. دیسا ئیران دزانیت ئهڤرۆ ئهمریكا ب هێز بهرانبهر رژێما وان راوهستایه و دۆرپێچهكا ئابوورى یا دژوار دانایه سهر و ئهگهرهكێ زۆر ب هێز ههیه كو دۆرپێچ بگههیته كهرتێ نهفت و گازێ ژى, د ئهنجام دا یان دڤێت ئیران رازی بیت ب ههموو داخوازى و مهرجێن ئهمریكا یانژى پهقینێن سیاسى دێ ل ناڤخوهیا وهلاتێ وان پهیدابن و رژێما وان ژى دێ ب ئێشا رژێما بهعسا گۆر بهگۆر چیت. لهورا ههرێما كوردستانێ ژى بێبار نابیت ژ دویكێلا وان پهقینان. ب بۆچوونا من ههرێما كوردستانێ كو پارتى دهسههلاتا ئێكێ یه ل ڤێ قووناغێ ب شههرهزایى و ل سهرخوه سهرهدهریێ ل گهل پێشهات و روودانێن ڤێ ههڤكێشا سیاسى یا ئالۆزكریه و دكهت و خوه دووركرى یه ژ ههردو بهرهیێن ئیران و ئهمریكا بۆ ئاڤاكرنا حوكمهتا بهغدا یا داهاتى. لهوما ههتا ئهڤرۆ ژى پارتى د ههموو سیناریۆیان دا شیایه لوغمێن سیاسى و لهشكرى و حهتا ئابوورى ژى راكهت د رێیا پرۆسێسا سیاسى یا ههرێما كوردستانێ دا. بریارا پارتى ل دهستپێكێ و داكۆكیكرنا وێ بۆ ئهنجامدانا ههلبژارتنێن پهرلهمانێ كوردستانێ د دمێ خوهدا, بریارهكا مێژووی بوو, دیسا ههلبژارتن بۆ ئهڤرۆیا سیاسى یا كوردستانێ زۆر یا پێدڤى و گرنگه. ژ لایهكێ دیڤه دهرفهتهكا زێرینه ژبۆى كوردستانێ داكو جارهكا دى رابیتهڤه سهر هێز و شیانێن خوه یێن بهرى قووناغا (16) ئوكتۆبهر یا خهیانهتكار, ئهڤرۆ چهند رۆژ دبۆرن ئهم نێزیكى ههلبژارتنان دبین و دێ قووناغهكا تازه و ژیانهكا سیاسى یا دیتر دهسپێكهت وه دێ رۆژێن سهخت و دژوار دهرباز بن و بهر ب ئاڤابوونێ ڤه چن و دیسا جارهكا دى كاروانێ ئاڤهدانی و خوشگوزهرانیێ و پێشڤهبرنێ ل كوردستانێ دهسپێكهت, بۆ قووناغا داهاتى پارتى بهرنامهكێ ههمهرهنگ و تیروتهسهل یێ ئامادهكرى و دێ ب رێیا پهرلهمانى و حوكمهتێ جێبهجێكهت, لهورا بانگهشا خوه ب درووشمێ (كوردستانهكا ب هێز) ب لیستا (183) دهسپێكر و ب پشتهڤانیا خهلكێ كوردستانێ بۆ سهرخستنا لیستا ناڤبرى. د بهرنامهى دایه و نهخشهرێ ههیه كو ههموو سێكتهرێن ژیانێ و بێكاریێ و چاكسازیهكا سهرانسهرى و ههروهسا ههموو مافێن نهتهوهى یێن خهلكێ كوردستانێ، بدهستخوهڤه بینیت و جیبهجێبكهت.
