ڤێ حەفتیێ ئاهێن خوارنێ یێن مەها 10 دێ هێنە بەلاڤكرن
ڕێڤەبەرێ ڕێڤەبەریا بازرگانیا ئاهێن خوارنێ ل پارێزگەها دهۆكێ ڕاگەهاند، نوكە دەست ب بەلاڤكرنا ئاهێن خوارنێ یێن مەها 10 یا ئەڤ سالە ل دهۆكێ هاتیە كرن و هەتا ڕۆژا پێنجشەمبیا بهێت دێ ل سەر هەمی وەلاتیان هێنە بەلاڤكرن.
نیهاد سلێڤانەی، ڕێڤەبەرێ ڕێڤەبەریا بازرگانیا ئاهێن خوارنێ ل پارێزگەها دهۆكێ دیار كر، ئاهێن خوارنێ یێن مەها 10 ژ شەش ماددەیان پێك دهێن، ژ وان: شەكر، برنج، زەیت، نۆك، نیسك و فاسۆلی.
ل دۆر ئاهێن خوارنێ یێن مەها ئیلۆنێ ژی گۆت: «ل هەمی پارێزگەهێن ئیراقێ ئاهێن خوارنێ یێن مەها ئیلۆنێ نەهاتینە بەلاڤكرن».
