ڤێ ڤیدیۆیێ د مەسنجەرێ فەیسبووکی دا ڤەنەکە
ئەڤرۆ نیۆز، تۆڤی:
ھۆشداریەک بۆ سەرجەم بکارھێنەرێن پرۆگرامێ تۆرا پەیوەندیا (مەسنجەرێ فەیسبووکی) هاتیە بەلاڤکرن، کو تێدا تە ئاگەهدار دکەت بۆ ڤەکرنا جۆرە ڤیدیۆیەکێ.
مالپەرێ (میترۆ) یێ بریتانی، ھۆشداریەک بۆ سەرجەم بکارھێنەرێن مەسنجەرێ فەیسبووکی بەلاڤە کریە،کو تێدا بەحس ل هندێ کریە،کو ھەر ڤیدیۆیەک ب شێوێ لینکێ ڤیدیۆیێن مالپەرێ ڤیدیۆیێن (یوتیوب) بن، ھەروەسا ل سەر نڤێسی بیت this video is yoursب واتایا ئەو ڤیدیۆیە یا تەیە، یان مانشێتێ سەرنجراکێش بۆ هاتیە دانان،چو جارا ڤەنەکە و ب لەز ژێ ببە.
هەروەسا گوتیە نوکە ھاککەران، جۆرە ڤایرۆسەکێ سالا 2014 نوو کریە،کو ناڤێ وی ڤایرۆسی (سۆرپامپا)یە،ب رێیا وێ جۆرە ڤیدیۆیا سەختە،دێ وی ڤایرۆسی بۆ بکارھێنەرێن مەسنجەرێ فەیسبووکێ هنێرن،بۆ هندێ کو دەست ب سەر فایلێن تایبەتی یێن دناڤ کۆمپیوتەری و مۆبایلێ دا بگرن.
دیسا دیارکریە کو بۆ پارێزگاریکرنێ ل فایلێن تایبەت یێن خۆ،هەکە ھەر ڤیدیۆیەکا تە دیت ب شێوێ لینکێ یوتیوبی بیت،ب باشی تەماشە بکە و بزانە کو ئەو ڤیدیۆیە یا راستەقینەیا یوتیوبیە یان نە،هەکە تەدیت ئەو لینکە یێ یوتیوبی نینە و جۆداهی ھەیە، یان ل سەر نڤێسیە this video is yours، ب لەز وێ نامێ ژێ ببە و کلیکێ ل سەر نەدە.
