ڤەخوارنا قەهوێ ئەگەرێن مرنێ کێمتر لێ دکەت
ئەڤرۆ نیۆز،زنار تۆڤی:
ڤەکۆلینەکا نوو یا نێڤدەولەتی دیاردکەت کو ڤەخوارنا قەهوێ هۆکارەکە بۆ تەمەن درێژیا خەلکێ،لێ مەبەستا سەرەکی یا وێ ڤەکۆلینێ ڤەدیتنا پەیوەندیێ دناڤبەرا تەمەنێ مرۆڤی و نەریتا ڤەخوارنا قەهوێ بوویە،بەلێ ئەگەرێ ڤی رۆلێ ئەرێنیێ قەهوێ ب روونی بۆ دەرنەکەفتیە.
ئەڤ ڤەکۆلینە ل سەر نیڤ ملیۆن کەسان ل 10 وەلاتێن ئورۆپی هاتیە ئەنجامدان و ژلایێ ئاژانسا نێڤدەولەتی بۆ ڤەکۆلینێن شێرپەنجێ ل کۆلیژا شاهانە یا لەندەن سەرپەرشتی لێ هاتیەکرن.
دڤێ ڤەکۆلینا نوو دا دەرکەفتیە ئەوێن رۆژانە سێ کووپێن قەهوێ ڤەدخۆن،تەمەنێ وان درێژترە ژیێ وان یێن کو نەڤەخۆن.
نۆشداران دیارکریە،ئەڤە مەزنترین ڤەکۆلینە ل وارێ کاریگەریێن قەهوێ ل سەر ساخلەمیا کۆمەلگەهێ ئورۆپی هاتیە ئەنجامدان.
مارک گەنتەر،سەرپەرشتیارێ ڤێ ڤەکۆلینێ دبێژیت،بۆ وان دەرکەفتیە،هەر کەسێ رێژەیەکا زێدەتر یا قەهوێ ڤەخۆت،ئەگەرێ مرنێ دێ کێمتر لێ کەت،ب تایبەتی مرنا ب ئەگەرێ نەخۆشیێن دلی و بۆریێن خوینێ و نەخۆشیێن کۆ ئەندامێ هێرانێ.
گەنتەر دبێژیت ژی،ل وان هەموو وەلاتان ڤەخوارنا قەهوێ هەمان کاریگەریا ئەرێنی هەبوویە،ل گەل هندێ ژی نەریتێ ڤەخوارنا قەهوێ ل دووڤ وەلاتان دهێتە گوهۆرین ژ روویێ دەمی و شێوازێ ئامادەکرنێ ڤە.
