ڤەخوارنێن کحوولی حەفت جۆرێن پەنجەشێرێ پەیدا دکەن
ئەڤرۆ نیوز:
ڤەکۆلینەکا نوو ئاشکرا کر، ڤەخورانێن کحوولی دبنە ئەگەرێَ دروستبوونا حەفت جۆرێن پەنجەشێرێ، خو ھەکە وکێم ژی ڤەخۆن، مەترسیا تووشبوونا ب وان نەخۆشیێن پەنجەشێرێ ھەر دمینیت.
بەلگەێن کۆمڤەبووی ل سالێن بووری ئاشکرا دکەن، ڤەخوارنێن کحوولی دبنە سەدەمێ پەنجەشێرا سینگی و قولوونێ و میلاکێ و ھندەک جۆرێن دیێن پەنجەشێرێ.
جینی کۆنۆر، ژ پشکا نۆشداریا خوەپاراستنێ و جڤاکی ل زانکۆیا ئۆتاجۆ ل نیۆزیلەندا ئاشکرا کر، نھا بەلگەیێن باوەر پێکری ھەنە، کو ڤەخوارنا مەیێ و ڤەخوارنێن کحوولی سەدەمەکێ سەرەکینە بۆ تووشبوونا ب پەنجەشێرێ، ئاماژە ژی دا، بەلگەیێن ب ھێز ھەنە کو ڤەخوارنێن کحوولی دبنە ئەگەرێ تووشبوونا ب حەفت جۆرێن پەنجەشێرێ، ئاشکرا ژی کر، ھەتا نھا میکانیزما بیۆلۆژی نینە بۆ ژاوانیا پەیدا بوونا پەنجەشێرێ ب سەدەمێ کحوولی، بەلێ دشێن بێژن کو کحوول گەلەک جۆرێن پەنجەشێرێ پەیدا دکەت، وەکو پەنجەشێرا گەریێ و حەفکێ و مێلاکێ و قولوونێ و سینگی و ھندەک جھێن دی د لەشی دا.
ھەروەسا دبیت ڤەخوارنێن کحوولی ببنە سەدەمێ پەیدابوونا پەنجەشێرا پیستی و پرۆستاتا و بەنکریاسێ.
ڤەکۆلینێ ئاشکرا کر، مەترسیا تووشبوونا ب پەنجەشێرێ ل نک وان کەسان زێدەترە یێن جگارا دکێشن و ڤەخورانێن کحوولی ژی ڤەدخۆن.
