ڤەكرنا خولێن فێركرنا گیتارێ گەلەك د پێدڤی نە
بێوار حەمدی:
مۆزیكژەن (بزاڤ كیڤی) كو ئامیرێ گیتارێ دژەنیت، د دیدارەكێ دا بۆ رۆژنامەیا ئەڤرۆ گۆت: ل سالا 2000 من پشكداری د خۆلەكا مۆزیكێ دا كر ل دۆر ئامیرێ گۆتاریا كلاسیك، پاشی من ل كولیژا هونەرێن جوان ژی خواند ل پشكا مۆزیكێ، نوكە ئەز ل وەلاتێ (نەمسا) دژیم و خزمەتا ستران و مۆزیكا كوردی دكەم.
هەروەسا گۆت: هەلبژارتنا من بۆ ئامیرێ گیتارێ ژبەر وێ چەندی بوو چنكو من گەلەك حەزژێ دكر، هەروەسا ل رۆژئاڤا ژەنیارێن ڤی ئامیرەی گەلەك دكێم بوون، هەروەسا ژبەركو ڤی ئامیرەی رۆلەكێ مەزن د مۆزیكا كوردی دا هەیە و ل گەل دەنگێن پشت میلۆدیا سترانێ بكار دهێت، لەوما دبینم كو ڤەكرنا خۆلێن ڤەكرنا گیتارێ گەلەكا پێدڤیە، ب تایبەت بۆ جڤاكێ مە.
