ڤەكرنا خولێن مۆزیكێ بۆ گەنجان گەلەك د پێدڤی نە
بێوار حەمدی:
مۆزیكژەن (باوەر حاجی) كو نوكە ماموستایێ پشكا مۆزیكێ یە ل پەیمانگەها هونەرێن جوان ل دهۆكێ، د دیدارەكێ دا بۆ رۆژنامەیا ئەڤرۆ گۆت: ئەڤە پتری (25) سالانە ئەز ژەنیارێ عۆدێ مە، ژبەركو ئەز گەلەك حەزژ مۆزیكێ دكەم و هەر ئامیرەیەكی تایبەتمەندیا خوە یا هەی د شێوازێ ژەنینێ دا.
هەروەسا گۆت: هەر كەسەكێ حەزژ مۆزیكێ بكەت دێ شێت خوە فێری ژەنینا ئامیرەكی كەت، لەورا ڤەكرنا خۆلێن مۆزیكێ بۆ گەنجان گەلەكا پێدڤییە، لێ ئەو كەسێن خۆلان ڤەدكەن دڤێت ئەكادیمی و د شارەزا بن، هەروەسا گەنج دشێن هەتا رادەیەكی ب رێكا (یوتیۆبی) ژی فێری ژەنینا مۆزیكێ ببن، لێ باشترە پشكداریێ د خۆلان دا بكەن دا پتر د ئەكادیمی بن.
